മോഹന്ലാല് നായകനാകുന്ന പുതിയ ചിത്രത്തിന് ‘രസം’ എന്ന് പേരിട്ടു. രാജീവ് നാഥ് സംവിധാനം ചെയ്യുന്ന ഈ ചിത്രത്തില്‍ നൈല ഉഷ നായികയാകുന്നു. ഇന്ദ്രജിത്താണ് മറ്റൊരു പ്രധാന താരം.
കേരളത്തില്‍ കേറ്ററിംഗ് സര്‍വീസ് നടത്തുന്ന ഒരു നമ്പൂതിരി യുവാവായാണ് ഇന്ദ്രജിത്ത് ഈ സിനിമയില്‍ വേഷമിടുന്നത്. ഇയാളെ ദുബായിലെ ഒരു കുടുംബം അവരുടെ വിവാഹസത്കാരത്തിന് ഭക്ഷണം ഒരുക്കാനായി ക്ഷണിക്കുന്നു. അവിടെയെത്തുന്ന അയാള്‍ക്ക് പാചകക്കാര്യത്തില്‍ ഉപദേശം നല്‍കുന്നയാളായാണ് മോഹന്ലാല് വേഷമിടുന്നത്.
ദുബായ് ആണ് ചിത്രത്തിന്‍റെ പ്രധാന ലൊക്കേഷന്‍. നെടുമുടി വേണു സുപ്രധാനമായ ഒരു കഥാപാത്രത്തെ അവതരിപ്പിക്കുന്നു.
നവാഗതനായ സുദീപ്കുമാര്‍ തിരക്കഥയെഴുതുന്ന ചിത്രം ഡിസംബറില്‍ ചിത്രീകരണം ആരംഭിക്കും.
