ഉത്തരയ്ക്ക് സ്വയം‌വരമായി. അവള്‍ ആരെ തെരഞ്ഞെടുക്കും? വര്‍ഷങ്ങളായി അവളെ മനസില്‍ കൊണ്ടു നടക്കുന്ന പ്രകാശനെ തെരഞ്ഞെടുക്കുമോ? അതോ, അച്ഛന്‍ കണ്ടെത്തിയ പണക്കാരനായ യുവാവിനെ സ്വീകരിക്കുമോ? ഇതിന്‍റെ ഉത്തരമാണ് ‘ഉത്തരാസ്വയം‌വരം’ എന്ന ചിത്രം നല്‍കുന്നത്.

നവാഗതനായ രമാകാന്ത് സര്‍ജു സംവിധാനം ചെയ്യുന്ന ഉത്തരാ സ്വയംവരത്തില്‍ ഉത്തരയാകുന്നത് റോമയാണ്. സൂപ്പര്‍താര പദവിയിലേക്ക് കുതിക്കുന്ന ജയസൂര്യയാണ് പ്രകാശന്‍ എന്ന നായകവേഷം കെട്ടുന്നത്. സര്‍ജുവിന്‍റെ തന്നെ കഥയ്ക്ക് ജെ പള്ളാശ്ശേരി തിരക്കഥ രചിക്കുന്നു.

അനില്‍‌ബാബുവിന്‍റെ സംവിധാന സഹായിയായിരുന്ന രമാകാന്ത് സര്‍ജു ഹരിഹരന്‍റെ പഴശ്ശിരാജയിലും പ്രവര്‍ത്തിച്ചിട്ടുണ്ട്. പവിത്രം ക്രിയേഷന്‍സ് നിര്‍മ്മിക്കുന്ന ഉത്തരാ സ്വയംവരത്തിന് ക്യാമറ ചലിപ്പിക്കുന്നത് സാലു ജോര്‍ജ്ജാണ്. ഒറ്റപ്പാലം, ബാംഗ്ലൂര്‍, ചെന്നൈ എന്നിവിടങ്ങളിലായി ഒറ്റ ഷെഡ്യൂളില്‍ ചിത്രീകരണം പൂര്‍ത്തിയാക്കാന്‍ ഉദ്ദേശിക്കുന്ന ഈ സിനിമയുടെ ഷൂട്ടിംഗ് ജൂലൈ 15ന് ആരംഭിക്കും. അനുബന്ധ വാര്‍ത്തകള്‍ മൌറീഞ്ഞോയ്ക്കും റോസിക്കും പിഴ ജയസൂര്യയ്ക്ക് തിരക്കേറുന്നു മോഹന്‍ലാല്‍ ഇനി എയ്ഞ്ചല്‍ ജോണ്‍ ‘എയ് ഓട്ടോ’ രേഖ അമ്മയാവുന്നു ഇന്ത്യ ജയത്തോടെ തുടങ്ങി ഇതിനെക്കുറിച്ച് കൂടുതല്‍ വായിക്കുക : ജയസൂര്യ റോമ ഉത്തരാസ്വയംവരം രമാകാന്ത് സര്ജു രവിശങ്കരന്