ഒരു സിനിമയുടെ പേരാണ് അതിന്‍റെ ഐഡന്‍റിറ്റി എന്ന് ആര്‍ക്കാണ് അറിഞ്ഞുകൂടാത്തത്? പ്രത്യേകിച്ച് മമ്മൂട്ടിയുടെ മകന്‍റെ ആദ്യചിത്രം സംവിധാനം ചെയ്യുക എന്ന നിര്‍ണായകദൌത്യം നിര്‍വഹിച്ച ശ്രീനാഥ് രാജേന്ദ്രന് സിനിമയുടെ പേരിന്‍റെ പ്രാധാന്യം ആരും പറഞ്ഞുകൊടുക്കേണ്ട കാര്യമില്ല. പിന്നെ എന്തുകൊണ്ടാണ് തന്‍റെ രണ്ടാമത്തെ സിനിമയ്ക്ക് അദ്ദേഹം ‘കൂതറ’ എന്ന് പേരിട്ടത്? അതും ഒരു മോഹന്‍ലാല്‍ ചിത്രത്തിന്?!
എന്തായാലും ‘കൂതറ’ എന്ന് പേരിട്ടതിന് പിന്നിലെ ചേതോവികാരം വെളിപ്പെടുത്താന്‍ ശ്രീനാഥ് തയ്യാറല്ല. ഈ പേരിടാന്‍ വ്യക്തമായ കാരണങ്ങളുണ്ടെന്നും സിനിമ കണ്ടിറങ്ങുന്നതോടെ പ്രേക്ഷകര്‍ക്ക് അത് കൂടുതല്‍ വ്യക്തമാകുമെന്നുമാണ് സംവിധായകന്‍ പറയുന്നത്.
