ബിഗ്‌ബി ഇനി അഭിഷേകിന്‍റെ മകന്‍!

IFM

മകന്‍റെ മകനായി അച്ഛന്‍ അഭിനയിക്കുന്നു!. ബോളിവുഡിലെ ഏറ്റവും പ്രശസ്തനായ പിതാവാണ് സ്വന്തം മകന്‍റെ മകനായി അഭിനയിക്കുന്നത്. ആര്‍ ബാലകൃഷ്ണന്‍ സംവിധാനം ചെയ്യുന്ന ‘പാ’ എന്ന ചിത്രത്തിലാണ് അഭിഷേക് ബച്ചന്‍റെ മകനായി അമിതാഭ് ബച്ചന്‍ അഭിനയിക്കുന്നത്.

എന്നാല്‍ ഈ സിനിമയുടെ കഥയെക്കുറിച്ചുള്ള വിശദാംശങ്ങള്‍ പുറത്തുവിട്ടിട്ടില്ല. കഥയെക്കുറിച്ചോ കഥാപാത്രങ്ങളെക്കുറിച്ചോ ഉള്ള വിവരങ്ങള്‍ പുറത്തുവിടരുതെന്ന് ചിത്രീകരണ യൂണിറ്റിലെ അംഗങ്ങള്‍ക്ക് കര്‍ശന നിര്‍ദ്ദേശം നല്‍കിയിട്ടുണ്ട്. എങ്കിലും ചില സൂചനകള്‍ അനുസരിച്ച്, മാനസിക വളര്‍ച്ചയെത്താത്ത, ഏകനായ ഒരു കഥാപാത്രത്തെയാണ് അമിതാഭ് ബച്ചന്‍ അവതരിപ്പിക്കുന്നത്. അഭിഷേക് ബച്ചനാണ് സീനിയര്‍ ബച്ചന്‍റെ പിതാവായി എത്തുന്നതെന്നതാണ് ഏറ്റവും വലിയ പ്രത്യേകത.

ഈ സിനിമയിലെ കഥാപാത്രമാകാനായി ദിവസവും അഞ്ചുമണിക്കൂറാണ് അമിതാഭ് ബച്ചന്‍ മേക്കപ് ചെയ്യുന്നത്. രൂ‍പത്തിലും ഭാവത്തിലും ഏറെ വ്യത്യസ്തമായ ഒരു കഥാപാത്രമാണിത്. ലണ്ടനില്‍ നിന്നുള്ള മേക്കപ് മാനാണ് അമിതാഭിന്‍റെ മേക്കപ് ചെയ്യുന്നത്. ചിത്രീകരണസ്ഥലത്തേക്ക് മാധ്യമങ്ങള്‍ക്ക് പ്രവേശനമില്ല.

WEBDUNIA| Last Modified വ്യാഴം, 30 ഏപ്രില്‍ 2009 (11:07 IST)

സര്‍ക്കാര്‍, സര്‍ക്കാര്‍ രാജ്, കഭി അല്‍‌വിദാ ന കെഹ്‌ന തുടങ്ങിയ ചിത്രങ്ങളില്‍ അമിതാഭിന്‍റെ മകനായാണ് അഭിഷേക് അഭിനയിച്ചത്. എന്നാല്‍ ‘പാ’യില്‍ സീനിയര്‍ ബച്ചന്‍ ജൂനിയര്‍ ബച്ചന്‍റെ മകനായി വരുന്ന അത്ഭുതം കാണാന്‍ കാത്തിരിക്കുകയാണ് ബോളിവുഡ്.

ഇതിനെക്കുറിച്ച് കൂടുതല്‍ വായിക്കുക :

ആര് ബാലകൃഷ്ണന് പാ അഭിഷേക് അമിതാഭ് ബച്ചന്