കഴിഞ്ഞ ദിവസം കേരളം മുഴുവന്‍ ആഘോഷിമാക്കിയ വാര്‍ത്തയായിരുന്നു നടന്‍ ഉണ്ണി മുകുന്ദന്റെ പ്രണയ നൈരാശ്യം. പ്രണയ നൈരാശ്യത്തെ തുടര്‍ന്ന് സിനിമ ഉപേക്ഷിക്കാന്‍ നോക്കിയിരുന്നതായും വലിയൊരു മദ്യാപാനി ആയി എന്ന തരത്തിലുമായിരുന്നു വാര്‍ത്തകള്‍ വന്നിരുന്നത്.

എന്നാല്‍ തനിക്കെതിരെ പ്രചരിച്ച വ്യാജ പ്രചരത്തിനെതിരെ ഉണ്ണി മുകുന്ദന്‍ തന്നെ രംഗത്തെത്തിയിരുക്കുകയാണ്. തന്റെ പേരില്‍ വന്ന വാര്‍ത്തകള്‍ കണ്ട് ക്ഷമ നശിച്ചതിനാലാണ് താരം തന്നെ നേരിട്ടെത്തി ഇതിന് മറുപടി നല്‍കിയത്.

ഉണ്ണി തന്റെ ഫേസ് ബുക്കിലൂടെയാണ് ഇതിനുള്ള മറുപടി നല്‍കിയത്. സോഷ്യല്‍ മീഡിയയില്‍ പ്രചരിക്കുന്ന വാര്‍ത്തകളുടെ സ്ക്രീന്‍ ഷോട്ട് ഉള്‍പ്പെടുത്തിയാണ് താരം ഈ കാര്യം വ്യക്തമാക്കിയത്. സത്യത്തില്‍ തന്റെ പ്രണയത്തെ കുറിച്ച് പറഞ്ഞ കാര്യങ്ങള്‍ റിപ്പോര്‍ട്ടര്‍ വളച്ചൊടിക്കുകയായിരുന്നുവെന്ന് ഉണ്ണി പറഞ്ഞു. റിപ്പോര്‍ട്ടര്‍ തന്നോട് വിവാഹത്തെ പറ്റിയാണ് ചോദിച്ചത്. എന്റെ പ്രായത്തിലുള്ള പെണ്‍കുട്ടികളുടെയൊക്കെ വിവാഹം കഴിഞ്ഞെന്നാണ് ഞാന്‍ മറുപടി പറഞ്ഞിരുന്നതെന്നും താരം വെളിപ്പെടുത്തി.