കെ ആര്‍ അനൂപ്|
Last Modified ബുധന്‍, 13 സെപ്‌റ്റംബര്‍ 2023 (09:13 IST)
ലിയോ റിലീസിനായി കാത്തിരിക്കുകയാണ് വിജയ് ആരാധകര്‍. നടന്റെ അടുത്ത സിനിമയുടെ പ്രീപ്രൊഡക്ഷന്‍ ജോലികള്‍ യുഎസില്‍ പുരോഗമിക്കുക ആണെന്നാണ് റിപ്പോര്‍ട്ടുകള്‍. വെങ്കിറ്റ് പ്രഭു സംവിധാനം ചെയ്യുന്ന സയന്‍സ് ചിത്രമായിരിക്കും ഇതെന്നാണ് വിവരം. എജിഎസ് എന്റര്‍ടൈന്‍മെന്റ് നിര്‍മ്മിക്കുന്ന സിനിമയില്‍ ജ്യോതിക നായികയായി എത്തുമെന്നാണ് ആദ്യം കേട്ടത്. പതിറ്റാണ്ടുകള്‍ക്ക് ശേഷം രണ്ട് താരങ്ങളും ഒന്നിക്കുന്ന വാര്‍ത്തകള്‍ നേരത്തെ പുറത്തുവന്നിരുന്നു. എന്നാല്‍ അതില്‍ ഒരു മാറ്റം വന്നിരിക്കുകയാണ് ഇപ്പോള്‍.
കഴിഞ്ഞ ദിവസം സ്‌നേഹയ്‌ക്കൊപ്പമുള്ള ഒരു ചിത്രം വെങ്കിട് പ്രഭു ഇന്‍സ്റ്റഗ്രാം സ്റ്റോറിയാക്കി മാറ്റിയിരുന്നു. 'ഗെറ്റ് റെഡി ഫോര്‍ എ ഫണ്‍ റൈഡ്' എന്നായിരുന്നു അതിന് താഴെ അദ്ദേഹം എഴുതിയത്. ഫോട്ടോ വൈറലായതിന് പിന്നാലെ വിജയ് ചിത്രത്തില്‍ ജ്യോതികയെ മാറ്റി സ്‌നേഹയെ കൊണ്ടുവരാന്‍ സംവിധായകന്‍ തീരുമാനിച്ചെന്ന തരത്തിലുള്ള റിപ്പോര്‍ട്ടുകളും പുറത്തുവന്നു. ഇത് സംബന്ധിച്ച ഔദ്യോഗിക വിവരങ്ങള്‍ ഒന്നും നിര്‍മാതാക്കള്‍ പുറത്തുവിട്ടിട്ടില്ല
ഒക്ടോബര്‍ ആദ്യവാരം സിനിമയുടെ ചിത്രീകരണം ആരംഭിക്കും. അടുത്തിടെ വി എഫ് എക്‌സ് ത്രീഡി സ്‌കാനിംഗിന് വിധേയനായ വിജയ് ചിത്രത്തില്‍ ഇരട്ട വേഷത്തില്‍ എത്തുമെന്നും പറയപ്പെടുന്നു. യുവന്‍ ശങ്കര്‍ രാജയാണ് ചിത്രത്തിനുവേണ്ടി സംഗീതം ഒരുക്കുന്നത്. നടന്‍ പ്രഭുദേവയും സിനിമയിലുണ്ടെന്ന് കേള്‍ക്കുന്നു.
