Thudarum Box Office: കേരള ബോക്‌സ്ഓഫീസില്‍ 'തുടരും' തരംഗം അവസാനിക്കുന്നില്ല. കേരള കളക്ഷനില്‍ 50 കോടി പിന്നിട്ട് തുടരും മുന്നേറുകയാണ്. വിജയ് ചിത്രം ലിയോയെ തുടരും മറികടന്നു.

റിലീസ് ചെയ്തു എട്ടാം ദിവസം തുടരും കേരള കളക്ഷനില്‍ 50 കോടി തൊട്ടു. വിജയ് ചിത്രം ലിയോയെ മറികടന്ന് കേരള കളക്ഷനില്‍ അതിവേഗം 50 കോടി നേടുന്ന രണ്ടാമത്തെ ചിത്രമാകാന്‍ തുടരുമിന് സാധിച്ചു. മോഹന്‍ലാലിന്റെ തന്നെ എമ്പുരാന്‍ ആണ് അതിവേഗം കേരളത്തില്‍ നിന്ന് 50 കോടി നേടിയ ചിത്രങ്ങളുടെ പട്ടികയില്‍ ഒന്നാമത്.

എട്ട് ദിവസം കൊണ്ട് 56.90 കോടിയാണ് തുടരുമിന്റെ ഇന്ത്യ നെറ്റ് കളക്ഷന്‍. വേള്‍ഡ് വൈഡായി നൂറ് കോടി കടന്ന് തുടരും കളക്ഷന്‍ കുതിക്കുകയാണ്.