തമിഴ്, ഹിന്ദി, തെലുങ്ക് തുടങ്ങിയ ഭാഷകളിൽ അഭിനയിച്ച തമന്ന അടുത്തിടെയാണ് മലയാളത്തിൽ നായികയാവുന്നത്. ദിലീപ് നായകനായ ബാന്ദ്ര എന്ന ചിത്രത്തിലൂടെയാണ് തമന്ന മായാളത്തിലെത്തിയത്. സിനിമ വേണ്ടത്ര ശ്രദ്ധ നേടിയില്ല. തനിക്ക് ഇഷ്ടമുള്ള, കൂടെ അഭിനയിക്കാൻ ആഗ്രഹമുള്ള രണ്ട് മലയാള നടന്മാരെ കുറിച്ച് തുറന്നു പറയുകയാണ് തമന്ന ഇപ്പോൾ. ഫഹദ് ഫാസിലും ദുൽഖറുമാണ് തമന്നയുടെ ലിസിറ്റിലെ മലയാളി താരങ്ങൾ. ന്യൂസ് 18 ന് നൽകിയ അഭിമുഖത്തിൽ സംസാരിക്കുകയായിരുന്നു നടി.

'ഫഹദ് ഫാസിലിനെ എനിക്കിഷ്ടമാണ്, കൂടെ അഭിനയിക്കണമെന്ന് ഞാൻ ആഗ്രഹിക്കുന്ന അഭിനേതാക്കളിൽ ഒരാളാണ് ഫഹദ്. ഒരു പെർഫോമർ എന്ന നിലയിൽ എനിക്ക് അദ്ദേഹത്തെ വളരെ ഇഷ്ടമാണ്. രാജ്യത്തെ ഏറ്റവും മികച്ച അഭിനേതാക്കളിൽ ഒരാളാണ് ഫഹദ് ഫാസിലെന്ന് എനിക്ക് തോന്നിയിട്ടുണ്ട്.

അതുപോലെ തന്നെയാണ് ദുൽഖറിന്റെ കാര്യവും. എനിക്ക് ദുൽഖറിനെയും ഇഷ്ടമാണ്. ഇന്നത്തെ തലമുറയ്ക്ക് മലയാളം അഭിനേതാക്കളെ പറ്റിയുള്ള ധാരണ മാറ്റിയത് തന്നെ ദുൽഖറാണ്. അദ്ദേഹം സത്യത്തിൽ ഒരു പാൻ ഇന്ത്യൻ ആക്ടറാണ്. എല്ലാവര്ക്കും ദുൽഖറിനെ അറിയാം. എനിക്ക് ദുൽഖറിനും ഫഹദിനും ഒപ്പം വർക്ക് ചെയ്യാൻ ആഗ്രഹമുണ്ട്', തമന്ന പറയുന്നു.