കെ ആര്‍ അനൂപ്|
Last Modified വ്യാഴം, 17 ഓഗസ്റ്റ് 2023 (10:41 IST)
മലയാളക്കരയ്ക്ക് ഇന്ന് ചിങ്ങം ഒന്ന്. കേരളീയര്‍ക്ക് ഇന്ന് പുതുവത്സരാരംഭമാണ്. പഞ്ഞ കര്‍ക്കിടകം കഴിഞ്ഞ് മഴമടിച്ചു നില്‍ക്കുന്ന സമയത്താണ് ഇത്തവണത്തെ ചിങ്ങപ്പുലരി. പുതിയ പ്രതീക്ഷകളോടെയാണ് സിനിമ താരങ്ങളും ചിങ്ങമാസത്തെ നോക്കിക്കാണുന്നത്.
ചിങ്ങം ഒന്ന് ആശംസകളുമായി നടി ശരണ്യ മോഹന്‍.
'പ്രതീക്ഷകള്‍ തളിരണിയട്ടെ, സ്വപ്നങ്ങള്‍ യാഥാര്‍ഥ്യമാകട്ടെ, ചിങ്ങമാസം നിങ്ങളുടെ ജീവിതത്തില്‍ ഐശ്വരം നിറയ്ക്കട്ടെ. ഏവര്‍ക്കും പുതുവത്സരാശംസകള്‍',-ശരണ്യ മോഹന്‍ കുറിച്ചു.
2015 സെപ്തംബറിലാണ് ശരണ്യയും അരവിന്ദും വിവാഹിതരായത്. രണ്ട് കുട്ടികളുണ്ട്.
വിവാഹ ശേഷം സിനിമയില്‍ നിന്നും വിട്ടു നില്‍ക്കുന്ന നടി നൃത്തരംഗത്ത് സജീവമാണ്. ശരണ്യ മോഹന്‍ നടന്‍ ചിമ്പുവിന് ഭരതനാട്യം പരിശീലിപ്പിച്ചിരുന്നു. ചിത്രങ്ങള്‍ സാമൂഹ്യമാധ്യമങ്ങളില്‍ അടക്കം വൈറലായി മാറിയിരുന്നു.ചിമ്പു 'ഈശ്വരന്‍' എന്ന സിനിമയ്ക്കായുള്ള തയ്യാറെടുപ്പ് നടക്കുമ്പോഴായിരുന്നു പരിശീലനം.
