കെ ആര്‍ അനൂപ്|
Last Modified വെള്ളി, 15 സെപ്‌റ്റംബര്‍ 2023 (14:51 IST)
കഴിഞ്ഞ ദിവസമായിരുന്നു നയന്‍താരയുടെ അമ്മ ഓമന കുര്യന്‍ ജന്മദിനം ആഘോഷിച്ചത്. അമ്മയ്ക്ക് പിറന്നാള്‍ ആശംസകളുമായി വിഘ്‌നേശ് ശിവന്‍. എന്നും സ്വന്തം അമ്മയെ പോലെയാണ് അവരന്നും അമ്മയുടെ പ്രാര്‍ത്ഥനയും അനുഗ്രഹമാണ് തങ്ങളുടെ ജീവിതത്തെ സന്തോഷപൂര്‍ണമാക്കുന്നതെന്നും വിക്കി എഴുതി.
ഓമന കുര്യന്റെ കൂടെ പകര്‍ത്തിയ ചിത്രങ്ങളും വിഘ്‌നേശ് പങ്കുവെച്ചിട്ടുണ്ട്. അമ്മയ്ക്ക് അരികിലിരിക്കുന്ന നയന്‍താരയെയും ചിത്രങ്ങളില്‍ കാണാനാകുന്നു. ഇന്‍സ്റ്റഗ്രാം സ്റ്റോറിയിലൂടെ അമ്മയ്ക്ക് ആശംസകള്‍ നയന്‍താരയും നേര്‍ന്നു.
നയന്‍താര ഇത്തവണത്തെ ഓണം ആഘോഷിച്ചതും കൊച്ചിയില്‍ വെച്ചായിരുന്നു.'ജവാന്‍' സിനിമയുടെ ട്രെയിലര്‍ ലോഞ്ചിന് നയന്‍താര എത്തിയിരുന്നില്ല. അമ്മയ്‌ക്കൊപ്പം ഓണം ആഘോഷിക്കാന്‍ പോയതായിരുന്നു നടി.
കൊച്ചിയില്‍ നയന്‍താരയ്‌ക്കൊപ്പം വിഘ്‌നേശും ഉണ്ടായിരുന്നു. എത്ര തിരക്കുകള്‍ ഉണ്ടെങ്കിലും എല്ലാവര്‍ഷവും അമ്മയെ കാണാനായി ഓണക്കാലത്ത് നയന്‍താര കൊച്ചിയില്‍ എത്തും.
