അനുബന്ധ വാര്ത്തകള്
- Mammootty Mohanlal: അദ്ദേഹം ആദ്യം പോവുക ആ സിനിമകളുടെ ഡബ്ബിങ് പൂർത്തിയാക്കാൻ: മമ്മൂട്ടിയുടെ തിരിച്ചുവരവിനെ കുറിച്ച് മോഹൻലാൽ
- 'ഒരു സിനിമ ചെയ്യണമെന്നേ പറഞ്ഞുള്ളൂ, നന്നായി ചെയ്താൽ അവർക്ക് കൊള്ളാം': വിസ്മയയുടെ അരങ്ങേറ്റത്തെ കുറിച്ച് മോഹൻലാൽ
- Mohanlal about Mammootty: 'ഞങ്ങള് ഒന്നിച്ചുള്ള കുറച്ച് ഭാഗങ്ങള് തീര്ക്കാനുണ്ട്'; മമ്മൂട്ടിയുടെ തിരിച്ചുവരവില് മോഹന്ലാല്
- Mammootty Is back: ഇച്ചാക്ക തിരിച്ചെത്തി, സ്നേഹമുത്തം, മമ്മൂട്ടിയുടെ ആരോഗ്യവാർത്തയിൽ സന്തോഷം പങ്കുവെച്ച് മോഹൻലാൽ
- Onam Releases in Malayalam: ഇത്തവണ ഓണം പൊടിപൂരം; ഫഹദോ മോഹന്ലാലോ? സര്പ്രൈസ് ഹിറ്റടിക്കാന് 'ബാള്ട്ടി'
Mohanlal: ചെയ്തുകൊണ്ടിരിക്കുന്നത് 'ഭ.ഭ.ബ', അടുത്തത് ദൃശ്യം 3; മോഹന്ലാല് പ്രൊജക്ടുകള്
തമിഴ്, തെലുങ്ക് ഭാഷകളില് നിന്നും ലാലിനു അവസരങ്ങള് വന്നിട്ടുണ്ട്
Mohanlal
Mohanlal: പ്രൊമിസിങ് പ്രൊജക്ടുകളുമായി മോഹന്ലാല്. ഓണം റിലീസായി സത്യന് അന്തിക്കാട് ചിത്രം 'ഹൃദയപൂര്വ്വം' എത്തുമ്പോള് ഈ വര്ഷം തന്നെ ഒന്നിലേറെ പ്രൊജക്ടുകളില് ലാല് അഭിനയിക്കാന് തയ്യാറെടുക്കുന്നു.
'എന്നും എപ്പോഴും' ശേഷം മോഹന്ലാലും സത്യന് അന്തിക്കാടും ഒന്നിക്കുന്ന 'ഹൃദയപൂര്വ്വം' ഓഗസ്റ്റ് 29 നാണ് തിയറ്ററുകളിലെത്തുക. നിലവില് ഈ സിനിമയുടെ പ്രൊമോഷന് പരിപാടികളിലാണ് മോഹന്ലാല്. ഒപ്പം ബിഗ് ബോസ് മലയാളത്തിലും അവതാരകനായി എത്തുന്നു.
'ഭ.ഭ.ബ' എന്ന ദിലീപ് ചിത്രത്തിലാണ് മോഹന്ലാല് അഭിനയിക്കുന്നത്. ധനഞ്ജയ് ശങ്കര് സംവിധാനം ചെയ്യുന്ന ചിത്രത്തില് മോഹന്ലാലിന്റേത് കാമിയോ കഥാപാത്രമാണ്. അതിനു ശേഷം 'ദൃശ്യം 3'യില് മോഹന്ലാല് അഭിനയിക്കും. ദൃശ്യം സീരിസിന്റെ അവസാന ഭാഗമാണ് ഇത്. അതിനുശേഷം ആഷിഖ് ഉസ്മാന് നിര്മിക്കുന്ന ചിത്രത്തിലാകും മോഹന്ലാല് അഭിനയിക്കുക. നവാഗതനായ ഓസ്റ്റിന് ഡാന് തോമസ് സംവിധാനം ചെയ്യുന്ന ഈ ചിത്രത്തില് മോഹന്ലാലിന്റേത് പൊലീസ് കഥാപാത്രമാണ്. ഈ സിനിമയ്ക്കായി മോഹന്ലാല് പൂര്ണമായി താടിയെടുത്തേക്കുമെന്നും റിപ്പോര്ട്ടുകളുണ്ട്.
തമിഴ്, തെലുങ്ക് ഭാഷകളില് നിന്നും ലാലിനു അവസരങ്ങള് വന്നിട്ടുണ്ട്. ചിലതെല്ലാം കഥ കേട്ടു. മലയാളത്തിനു പുറത്തുള്ള ഭാഷകളിലെ പ്രൊജക്ടുകളില് അന്തിമ തീരുമാനമെടുത്തിട്ടില്ല. അജിത്തിനെ നായകനാക്കി അധിക് രവിചന്ദ്രന് സംവിധാനം ചെയ്യുന്ന ചിത്രത്തില് മോഹന്ലാല് അഭിനയിച്ചേക്കുമെന്ന് റിപ്പോര്ട്ടുകളുണ്ടെങ്കിലും സ്ഥിരീകരണമായിട്ടില്ല.
