കെ ആര്‍ അനൂപ്|
Last Modified ചൊവ്വ, 31 ഒക്‌ടോബര്‍ 2023 (15:13 IST)
തന്റെ സുഹൃത്തായ പൂര്‍ണിമയുടെ മകള്‍ പ്രാര്‍ഥനയെ അഭിനന്ദിച്ച് മഞ്ജുവാര്യര്‍. പ്രാര്‍ത്ഥനയുടെ ആദ്യത്തെ സിംഗിള്‍ ആയ 'അയന്‍ ദ വണ്‍'റിലീസിന് ഒരുങ്ങുകയാണ്. ഇന്‍സ്റ്റഗ്രാം സ്റ്റോറിയിലൂടെ കുഞ്ഞു ഗായികയെ അഭിനന്ദിച്ചുകൊണ്ട് മഞ്ജു എത്തി.
'നിന്റെ ആദ്യത്തെ സിംഗിള്‍.. അഭിമാനം തോന്നുന്നു പാത്തു. ഇതുപോലെ തന്നെ തുടരുക',-എന്നാണ് മഞ്ജു വാര്യര്‍ എഴുതിയത്.
'അയന്‍ ദ വണ്‍'റിലീസ് ആകുന്നതുമായി ബന്ധപ്പെട്ട് പ്രാര്‍ത്ഥന ഒരു ചിത്രം പങ്കുവെച്ചിരുന്നു,ഇതാണ് മഞ്ജു ഇന്‍സ്റ്റഗ്രാം സ്റ്റോറിയാക്കി മാറ്റിയത്.
ഇന്നലെയായിരുന്നു പ്രാര്‍ത്ഥന തന്റെ ജന്മദിനം ആഘോഷിച്ചത്. അതിനോടനുബന്ധിച്ചാണ് ആദ്യത്തെ സിംഗിള്‍ സോങിന്റെ റിലീസ് പ്രഖ്യാപിച്ചത്.
മകളെ റോക്ക്സ്റ്റാര്‍ എന്ന് വിളിച്ചുകൊണ്ടാണ് പൂര്‍ണിമ ആശംസകള്‍ നേര്‍ന്നത്. അതേസമയം നവംബര്‍ അഞ്ചിനാണ് അയന്‍ ദ വണ്‍ റിലീസ് ചെയ്യാന്‍ തീരുമാനിച്ചിരിക്കുന്നത്.
പാട്ട് എഴുതിയിരിക്കുന്നത് പ്രാര്‍ത്ഥന തന്നെയാണ്. 2021 മുതല്‍ ദിവസത്തിനായി താന്‍ കാത്തിരിക്കുകയാണെന്ന് താരാപത്രി പറഞ്ഞു.മിലന്‍ എംപി3യാണ് പ്രൊഡ്യൂസ് ചെയ്തിരിക്കുന്നത്. ഏഴുവര്‍ഷമായി ഇരുവരും സുഹൃത്തുക്കളാണ്, കുട്ടിക്കാലം മുതലേ ഒരുമിച്ചൊരു മ്യൂസിക് ചെയ്യണമെന്ന് ആഗ്രഹം ഇരുവര്‍ക്കുമുള്ളില്‍ ഉണ്ടായിരുന്നു. ഇക്കാര്യം പ്രാര്‍ത്ഥന തന്നെയാണ് പറഞ്ഞതും.
