കെ ആര്‍ അനൂപ്|
Last Modified തിങ്കള്‍, 11 മാര്‍ച്ച് 2024 (09:09 IST)
ഇത്തിരി ഓവര്‍ ആയാലേ എല്ലാവരും ശ്രദ്ധിക്കുകയുള്ളൂ,
96 മത് ഓസ്‌കാര്‍ അവാര്‍ഡ് വേദിയിലും ശ്രദ്ധ പിടിച്ചുപറ്റണമെങ്കില്‍ അത്തരത്തില്‍ വെറൈറ്റി എന്തെങ്കിലും ചെയ്യണം. പ്രഖ്യാപന വേദിയില്‍ എത്തുന്ന ഓരോരുത്തരും അതിനായി മത്സരിക്കാതെ മത്സരിക്കും. ഇത്തവണയും പതിവ് തെറ്റിയില്ല ഓസ്‌കാര്‍ പ്രഖ്യാപനത്തിനിടെ രസകരമായ സംഭവം ഉണ്ടായി. അങ്ങനെ ജോണ്‍ സീന വാര്‍ത്തകളില്‍ നിറഞ്ഞു.
മികച്ച വസ്ത്രാലങ്കാരത്തിനുള്ള അവാര്‍ഡ് പ്രഖ്യാപിക്കാന്‍ ജോണ്‍ സീന എത്തി.ഡോള്‍ബി തീയറ്ററിലെ വേദിയിലേക്ക് അദ്ദേഹത്തെ അവതാരകന്‍ ക്ഷണിക്കുമ്പോഴും ആളുകളുടെ മുന്നിലേക്ക് വരാന്‍ ഒരു നാണമായിരുന്നു ജോണ്‍ സീനയ്ക്ക്.അവതാരകന്‍ ജിമ്മി കമ്മല്‍ ജോണ്‍ സീനയെ ക്ഷണിച്ചു. തന്റെ നാണം മറയ്ക്കാന്‍ ജോണ്‍ സീനയുടെ കയ്യില്‍ ആകെ ഉണ്ടായിരുന്നത് വിജയുടെ പേര് എഴുതിയ ഒരു കാര്‍ഡ് മാത്രമായിരുന്നു. ഇതോടെ ഒരു തുണിയുമായി എത്തി ജോണിന്റെ നാണം മറച്ച ശേഷമാണ് അവാര്‍ഡ് പ്രഖ്യാപിച്ചത്.
മികച്ച വസ്ത്ര അലങ്കാരത്തിനുള്ള ഓസ്‌കാര്‍ ഇത്തവണ ലഭിച്ചത് .പൂവര്‍ തിംങ്‌സ് എന്ന ചിത്രത്തിനാണ്. മികച്ച നടി അടക്കം നാല് അവാര്‍ഡുകള്‍ ഈ ചിത്രം നേടിയിരുന്നു. എന്തായാലും മികച്ച വസ്ത്ര അലങ്കാരത്തിനുള്ള അവാര്‍ഡ് പ്രഖ്യാപനം വെറൈറ്റിയായി മാറി.
