aparna|
Last Modified ബുധന്‍, 7 മാര്‍ച്ച് 2018 (17:01 IST)
കഴിഞ്ഞ മാസമാണ് ഇന്ത്യന്‍ സൂപ്പര്‍താരം ശ്രീദേവി ദുബായിലെ ഹോട്ടലില്‍ വെച്ച് മരണപ്പെടുന്നത്. ശ്രീദേവിയുടെ വിടവാങ്ങലില്‍ ഇന്ത്യന്‍ സിനിമാലോകം മുഴുവന്‍ മുംബൈയിലെ അവരുടെ വീട്ടിലേക്ക് ഒഴുകിയെത്തിയിരുന്നു. ശ്രീദേവിയുടെ മരണത്തിന് ആഴ്ചകള്‍ കഴിഞ്ഞെങ്കിലും ആ മരണത്തില്‍ നിന്നും മുക്തയാകാന്‍ മക്കള്‍ക്ക് കഴിഞ്ഞിട്ടില്ല.
അതേസമയം, ശ്രീദേവിയുടെ മൂത്ത മകള്‍ ജാന്വി കപൂറിന്റെ പിറന്നാള്‍ ദൃശ്യങ്ങള്‍ സോഷ്യല്‍ മീഡിയില്‍ വൈറലാവുകയാണ്. ശ്രീദേവി ജീവിച്ചിരുന്ന സമയത്ത് ജാന്‍‌വിയുടെയും ശ്രീദേവിയുടെയും പിറന്നാള്‍ ആഘോഷങ്ങള്‍ വൃദ്ധസദനങ്ങളിലും അനാഥാലയങ്ങളിലുമായിരുന്നു. ആ രീതി തന്നെയായിരുന്നു ഇത്തവണ ശ്രീദേവിയുടെ അഭാവത്തില്‍ ജാന്‍‌വിയും ചെയ്തത്.
ഇത്തവണ അമ്മയില്ലാതെ വൃദ്ധസദനത്തിലും അനാഥാലയത്തിലുമാണ് ജാന്വി തന്റെ 21ആം പിറന്നാള്‍ ആഘോഷിച്ചത്. അമ്മയില്ലാത്ത ആദ്യ പിറന്നാളിനും ജാന്വി അമ്മ പഠിപ്പിച്ച പതിവു തെറ്റിച്ചില്ല. ‘എന്റെ പിറന്നാള്‍ ദിനത്തില്‍, എനിക്ക് നിങ്ങളോട് പറയാനുള്ള ഒരു കാര്യം മാതാപിതാക്കളെ സ്‌നേഹിക്കുകയെന്നത് മാത്രമാണെന്ന് ജാന്വി പറഞ്ഞു. എന്റെ അമ്മയെ ഓര്‍മ്മിക്കുകയും അവരുടെ ആത്മാവിനു വേണ്ടി പ്രാര്‍ത്ഥിക്കുകയും ചെയുകയെന്ന് ജാന്വി’ കൂട്ടിച്ചേര്‍ത്തു.
