കെ ആര്‍ അനൂപ്|
Last Modified വെള്ളി, 1 മാര്‍ച്ച് 2024 (17:25 IST)
ഓട്ടോറിക്ഷ ഡ്രൈവറായി വേഷമിടാന്‍ ധ്യാന്‍ ശ്രീനിവാസന്‍.എ ആര്‍ ബിനുരാജിന്റെ സംവിധാനത്തില്‍ ഒരുങ്ങുന്ന സിനിമയ്ക്ക് ഒഞ്ചിയത്ത് ചിത്രീകരണം ആരംഭിച്ചു.
സിനിമ താരങ്ങളുടെ സാന്നിധ്യത്തില്‍ ലളിതമായ ചടങ്ങോടെയാണ് ചിത്രീകരണത്തിന് തുടക്കമായത്.ബിസിനസ് പ്രമുഖന്‍ അരവിന്ദ് വിക്രം സ്വിച്ചോണ്‍ കര്‍മ്മം നിര്‍വ്വഹിച്ചു.തിരക്കഥാകൃത്ത് സനു അശോക് ഫസ്റ്റ് ക്ലാപ്പും നല്‍കി. ബിടെക് വരെ പഠിച്ചിട്ടും തന്റെ വിദ്യാഭ്യാസ യോഗ്യതയ്ക്ക് അനുസരിച്ചുള്ള തൊഴില്‍ ലഭിക്കാത്തതിനെത്തുടര്‍ന്ന് അച്ഛന്റെ ഓട്ടോറിക്ഷ ഡ്രൈവറായി മാറുന്ന ചെറുപ്പക്കാരന്റെ കഥയാണ് സിനിമ പറയുന്നത്.നന്ദന്‍ നാരായണന്‍ എന്ന കഥാപാത്രത്തെയാണ് ധ്യാന്‍ ശ്രീനിവാസന്‍ ചിത്രത്തില്‍ അവതരിപ്പിക്കുന്നത്. മലബാറിന്റെ പശ്ചാത്തലത്തില്‍ ഒരുങ്ങുന്ന
ചിത്രത്തില്‍ മാളവികാ മേനോന്‍, വിജയകുമാര്‍, ആനന്ദ്, ധര്‍മ്മജന്‍ ബോള്‍ഗാട്ടി, രാജേഷ് കേശവ്, രാജ് കപൂര്‍ (തുറുപ്പുഗുലാന്‍ ഫെയിം), ദിനേശ് പണിക്കര്‍, നാരായണന്‍ നായര്‍, അംബികാ മോഹന്‍ സംവിധായകന്‍ മനു സുധാകര്‍, സോഹന്‍ സീനുലാല്‍, എന്നിവരും വേഷമിടുന്നു. ചിത്രത്തിലെ ഗാനങ്ങള്‍ കൈതപ്രം. ഛായാഗ്രഹണം പവി കെ പവന്‍. പിആര്‍ഒ വാഴൂര്‍ ജോസ്, ഫോട്ടോ ഷുക്കു പുളിപ്പറമ്പില്‍.
