കെ ആര്‍ അനൂപ്|
Last Modified ശനി, 23 മാര്‍ച്ച് 2024 (15:52 IST)
ലോകമെമ്പാടും ആരാധകരുള്ള തമിഴിലെ മുന്‍നിര നായകന്മാരില്‍ ഒരാളാണ് അജിത്ത്. സിനിമ തിരക്കുകള്‍ക്കിടയിലും കുടുംബത്തോടൊപ്പം സമയം ചെലവഴിക്കാന്‍ നടന്‍ എപ്പോഴും ശ്രദ്ധിക്കാറുണ്ട്. ഇപ്പോഴിതാ മകന്‍ ആദ്വിക്കുമൊത്തുള്ള ശാലിനി ചെന്നൈ ടീമിന്റെ കളി കാണാന്‍ പോയ വിശേഷം പങ്കുവെച്ചിരിക്കുകയാണ്. ചെന്നൈയിലെ സ്റ്റേഡിയത്തില്‍ നിന്നുള്ള ചിത്രങ്ങളും പങ്കുവെച്ചു.സഹോദരി ശ്യാമിലിയും ശാലിനിക്കൊപ്പം ഉണ്ടായിരുന്നു.
ചെന്നൈ ഫുട്‌ബോള്‍ ടീമിനെ പിന്തുണച്ചു കൊണ്ടുള്ള ജേഴ്‌സി അണിഞ്ഞു കൊണ്ടുള്ള ആദ്വിക്കിന്റെ ചിത്രങ്ങള്‍ നേരത്തെ തന്നെ ശാലിനി പങ്കുവെച്ചിരുന്നു.
അജിത്തിന്റെ മകന്റെ പ്രിയപ്പെട്ട കായിക വിനോദം ഫുട്ബോളാണ്.
ചെന്നൈ ക്ലബ്ബിന്റെ ജൂനിയര്‍ ടീമില്‍ പരിശീലനം നടത്തുവാന്‍ വേണ്ടിയായിരുന്നു അന്ന് ആദ്വിക് എത്തിയത്.
അജിത്തിന്റെ 'തുനീവ്' 2023 പൊങ്കലിന് റിലീസ് ചെയ്തു. നടന്റെ ഏറ്റവും കൂടുതല്‍ കളക്ഷന്‍ നേടിയ ചിത്രമായി മാറി.തമിഴ് നടന്‍ അജിത്ത് ഇപ്പോള്‍ വിഡാ മുയര്‍ച്ചി എന്ന ചിത്രത്തിലാണ് അഭിനയിച്ചുകൊണ്ടിരിക്കുന്നത്. അജിത്ത് അസര്‍ബെയ്ജാനിലേക്ക് ഉടന്‍ പോകും.സിനിമയുടെ എഴുപത് ശതമാനം പൂര്‍ത്തിയായി എന്നും ഇനി 30 ദിവസങ്ങള്‍ മാത്രമാണ് ബാക്കിയുള്ളത് എന്നാണ് വിവരം.
