106 വയസ്സുള്ള ഒരു മനുഷ്യനെ കൊണ്ട് ഇതൊക്കെ സാധിക്കുമോ ?സേനാപതിയ്ക്ക് ഏതാണ്ട് നൂറിന് മുകളില്‍ പ്രായം ഇന്ത്യന്‍2 സിനിമയില്‍ കാണിക്കുന്നുണ്ട്. എന്നിട്ടും ഒരു അതിഗംഭീരമായി ആക്ഷന്‍ രംഗങ്ങളില്‍ സേനാപതി എത്തുന്നുണ്ട്. ഇത്രയും വയസ്സുള്ള ഒരാള്‍ക്ക് ഇങ്ങനെയൊക്കെ ചെയ്യാന്‍ പറ്റുമോ എന്ന ചോദ്യം ശങ്കറിന്റെ മുന്നിലെത്തി. അതിന് ശങ്കര്‍ നല്‍കിയ മറുപടിയാണ് സോഷ്യല്‍ മീഡിയയില്‍ വൈറലാകുന്നത്.

'ചൈനയില്‍ ഒരു മാര്‍ഷ്യല്‍ ആര്‍ട്സ് മാസ്റ്റര്‍ ഉണ്ട്. അദേഹത്തിന്റെ പേര് ലൂസി ഗിയോണ്‍ എന്നാണ്. 120-ാം വയസിലും അദ്ദേഹം മാര്‍ഷ്യല്‍ ആര്‍ട്സ് പെര്‍ഫോം ചെയ്യും. പറന്നും കറങ്ങിയും എല്ലാത്തരത്തിലുമുള്ള പ്രകടനങ്ങള്‍ ഇപ്പോഴും ചെയ്യുന്നുണ്ട്. സേനാപതിയും അങ്ങനെയൊരു മാസ്റ്റര്‍ ആണ്.

മര്‍മം ആണ് അദ്ദേഹത്തിന്റെ ഏരിയ.യോഗയും മറ്റു പരിശീലനങ്ങളെല്ലാം ചെയ്യുന്ന സേനാപതിയുടെ ഭക്ഷണ ശൈലി പോലും വ്യത്യസ്തമാണ്. ദിവസം ഒരുനേരം മാത്രമാണ് ഭക്ഷണം. ഏത് സ്റ്റണ്ടും ചെയ്യാന്‍ അദ്ദേഹത്തിന് കഴിയും',- ശങ്കര്‍ പറഞ്ഞു.

കമല്‍ ഹാസനൊപ്പം കാജല്‍ അഗര്‍വാള്‍, സിദ്ധാര്‍ഥ്, ബോബി സിംഹ, രാകുല്‍ പ്രീത് സിംഗ്, എസ് ജെ സൂര്യ, പ്രിയ ഭവാനി ശങ്കര്‍, സമുദ്രക്കനി, ബ്രഹ്‌മാനന്ദം, നെടുമുടി വേണു, കാളിദാസ് ജയറാം എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ഇന്ത്യന്‍ 2 നിര്‍മ്മിക്കുന്നത് സുഭാസ്‌കരന്‍ അല്ലിരാജയുടെ ലൈക്ക പ്രൊഡക്ഷന്‍സും കമല്‍ ഹാസന്റെ രാജ്കമല്‍ ഫിലിംസും ഉദയനിധി സ്റ്റാലിന്റെ റെഡ് ജയന്റ് മൂവീസും ചേര്‍ന്നാണ്.