അനുബന്ധ വാര്ത്തകള്
- മമ്മൂട്ടി ചിത്രമായതിനാല് പഴശ്ശിരാജയിലേക്കുള്ള ക്ഷണം നിരസിച്ച് സുരേഷ് ഗോപി; കാരണം സൂപ്പര്താരങ്ങള് തമ്മിലുള്ള പിണക്കം
- മമ്മൂട്ടിയെ മാടയാക്കാന് ഉപയോഗിച്ച ഫൗണ്ടേഷന് അമേരിക്കയിലെ മേക്കപ് ആര്ട്ടിസ്റ്റിന്റെ പ്രൊഡക്ട്, പറഞ്ഞുതന്നത് കമലഹാസന്: പട്ടണം റഷീദ്
- 3 മമ്മൂട്ടി ചിത്രങ്ങള്, മെഗാസ്റ്റാര് ഇല്ലാത്ത ആദ്യ സിനിമ, നാലാമതായി കുഞ്ചാക്കോബോബനൊപ്പം കൈകോര്ത്ത് സംവിധായകന് അജയ് വാസുദേവ് !
- കലാഭവന് മണിക്ക് കൊടുത്ത പോലെ നല്ല കഥാപാത്രം എനിക്കു വേണ്ടി സാര് ഉണ്ടാക്കുമോ എന്ന് ഇന്ദ്രന്സ് അന്ന ചോദിച്ചു, കുറിപ്പുമായി സംവിധായകന് വിനയന്
- എന്റെ സ്വപ്നം സഫലമായി: മമ്മൂട്ടി-ലിജോ ജോസ് ചിത്രത്തിൽ അഭിനയിച്ചതിൽ സന്തോഷം അറിയിച്ച് രമ്യാ പാണ്ഡ്യൻ
മോഹന്ലാല് ആരാധകര്ക്ക് നിരാശ; 'ബ്രോ ഡാഡി' ഒ.ടി.ടി. പ്ലാറ്റ്ഫോമില് തന്നെ, തിയറ്ററിലെത്തില്ല
മോഹന്ലാലിനെ നായകനാക്കി പൃഥ്വിരാജ് സംവിധാനം ചെയ്യുന്ന 'ബ്രോ ഡാഡി' തിയറ്റര് റിലീസിന് ഇല്ല. സിനിമ ഒ.ടി.ടി. പ്ലാറ്റ്ഫോമില് തന്നെ റിലീസ് ചെയ്യുമെന്ന് ഉറപ്പായി. ആമസോണ് പ്രൈമില് സിനിമ എത്തിക്കാനാണ് അണിയറ നീക്കം. ലൂസിഫറിന് ശേഷം പൃഥ്വിരാജ് സംവിധാനം ചെയ്യുന്ന സിനിമയാണ് 'ബ്രോ ഡാഡി'. നിര്മാതാവ് ആന്റണി പെരുമ്പാവൂര് സിനിമയുടെ ഒ.ടി.ടി. റിലീസിനായുള്ള ഒരുക്കങ്ങള് ആരംഭിച്ചതായാണ് സൂചന. ആശിര്വാദ് സിനിമാസ് ആണ് വിതരണ കമ്പനി.
മോഹന്ലാലും പൃഥ്വിരാജും സഹോദരങ്ങളായി അഭിനയിക്കുന്ന സിനിമയാണ് ബ്രോ ഡാഡി. ജോണ് കാറ്റാടി എന്ന കഥാപാത്രത്തെയാണ് മോഹന്ലാല് അവതരിപ്പിക്കുന്നത്. ജോണ് കാറ്റാടിയുടെ സഹോദരന് ഈശോ കാറ്റാടിയായി പൃഥ്വിരാജ് എത്തും. ഉണ്ണി മുകുന്ദന്, മീന, കല്യാണി പ്രിയദര്ശന്, ലാലു അലക്സ്, മുരളി ഗോപി, കനിഹ എന്നിവര് മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
ബ്രോ ഡാഡി ഒരു ഫീല് ഗുഡ് എന്റര്ടെയ്നര് ആണെന്നാണ് മോഹന്ലാല് പറയുന്നത്. ഒരിക്കലും ഈ സിനിമയെ ലൂസിഫറുമായി താരതമ്യം ചെയ്യാന് കഴിയില്ല. തമാശ കേന്ദീകൃതമായ ഒരു സിനിമ മികച്ച വിഷ്വല് കൂടി നല്കി നിര്മ്മിച്ചാല് അത് തീര്ച്ചയായും മികച്ചതായിരിക്കും. മലയാളത്തില് നമ്മള് അത്തരം സിനിമകള് അധികം ചെയ്തിട്ടില്ല. അതിന് കാരണം ബജറ്റ് തന്നെയാണ്. പിന്നെ മോഹന്ലാല്-പൃഥ്വിരാജ് കോമ്പോ എന്ന് കേള്ക്കുമ്പോള് പ്രേക്ഷകരുടെ മനസിലേക്ക് വരുന്നത് ലൂസിഫര് എന്ന സിനിമയാണ്. അത് തീര്ച്ചയായും പ്രേക്ഷകരെ ബ്രോ ഡാഡി കാണാന് പ്രേരിപ്പിക്കും. അതാണ് തങ്ങള് ഒരുമിച്ച് ഈ സിനിമ ചെയ്യാനുള്ള പ്രധാന കാരണമെന്നും മോഹന്ലാല് പറഞ്ഞു.
