അനുബന്ധ വാര്ത്തകള്
- മമ്മൂട്ടി സിനിമയിൽ പറഞ്ഞത് പകുതി സത്യം, ബാക്കി അതിശയോക്തി കലർത്തി പറഞ്ഞതാണ്: രാം ഗോപാൽ വർമ്മ
- ആ വിന്റേജ് മമ്മൂട്ടിയും മോഹൻലാലും വീണ്ടും ഒന്നിക്കും?!
- 135 കോടിയുടെ മാമാങ്കം പോസ്റ്റർ അന്ന് പറ്റിയ അബദ്ധം: തുറന്നു പറഞ്ഞ് വേണു കുന്നപ്പള്ളി
- മോഹൻലാലിനെ പോലെ ചിരിച്ച് കളിച്ച് മമ്മൂട്ടി നിൽക്കാറില്ല: കൊല്ലം തുളസി
- 'അക്കാര്യത്തിൽ എല്ലാ താരങ്ങളും മമ്മൂട്ടിയെ കണ്ട് പഠിക്കണം'; കിഷോർ കുമാർ
50 കോടി നേടി വിജയിച്ച പരീക്ഷണം, മമ്മൂട്ടിയുടെ കൊടുമൺ പോറ്റി ഇനി ടെലിവിഷനിൽ
കഴിഞ്ഞ വർഷം മലയാള സിനിമയ്ക്ക് സുവർണ കാലഘട്ടം ആയിരുന്നു. വ്യത്യസ്തമായ പരീക്ഷണങ്ങൾ നടത്തി വിജയിച്ച വർഷം കൂടി ആയിരുന്നു ഇത്. അത്തരമൊരു പരീക്ഷണ ചിത്രമായിരുന്നു ഭ്രമയുഗം. ആധുനിക സാങ്കേതിക വിദ്യകൾ വളർന്ന സാഹചര്യത്തിൽ പൂർണമായും ബ്ലാക് ആന്റ് വൈറ്റിൽ റിലീസ് ചെയ്ത ചിത്രം 50 കോടി ക്ലബ്ബിൽ ഇടം നേടിയത് ഏവരെയും അമ്പരപ്പിച്ചു.
നിലവിൽ ഒടിടിയിൽ സ്ട്രീമിംഗ് തുടരുന്ന ചിത്രമിതാ ഒരു വർഷത്തിനിപ്പുറം ടെലിവിഷനിൽ എത്താൻ ഒരുങ്ങുകയാണ്. ഏഷ്യാനെറ്റിനാണ് പ്രീമിയർ അവകാശം വിറ്റു പോയിരിക്കുന്നത്. എന്നാണ് സംപ്രേക്ഷണം ചെയ്യുക എന്ന വിവരം ഉടൻ പുറത്തുവരും. മമ്മൂട്ടിയുടെ കൊടുമൺ പോറ്റിയായിട്ടുള്ള(ചാത്തൻ) പ്രകടനവും ബ്ലാക് ആന്റ് വൈറ്റിൽ ഈ കാലഘട്ടത്തിലൊരു സിനിമ കാണാനുമുള്ള ആകാംക്ഷയിലാണ് സിനിമാസ്വാദകർ ഇപ്പോൾ.
2024 ഫെബ്രുവരി 15ന് ആയിരുന്നു ഭ്രമയുഗം റിലീസ് ചെയ്തത്. ആദ്യദിനം മുതൽ മികച്ച പ്രതികരണം നേടിയ ചിത്രം പത്ത് രാജ്യങ്ങളിൽ റിലീസ് ചെയ്തിരുന്നു. ഫുൾ ഓൺ എന്റർടെയ്ൻമെന്റുകൾ സമ്മാനിച്ച 2024ൽ കട്ടയ്ക്ക് പിടിച്ച് നിൽക്കാൻ ഭ്രമയുഗത്തിനായി എന്നത് ഏറെ ശ്രദ്ധേയമാണ്. ഭൂതകാലം എന്ന ചിത്രത്തിന് ശേഷം രാഹുൽ സദാശിവൻ സംവിധാനം ചെയ്ത ചിത്രം കൂടിയാണ് ഭ്രമയുഗം. മമ്മൂട്ടി നിറഞ്ഞാടിയ ചിത്രത്തിൽ സിദ്ധാർത്ഥ് ഭരതൻ, അർജുൻ അശോകൻ, അമാൽഡ ലിസ്, മണികണ്ഠൻ എന്നിവരാണ് മറ്റ് പ്രധാന വേഷങ്ങളിൽ എത്തിയത്. ചിത്രം 50 കോടിയിലേറെ കളക്ഷന് നേടിയിട്ടുണ്ട്.
