Bazooka Box Office: ബോക്‌സ്ഓഫീസില്‍ താഴേക്ക് വീണ് മമ്മൂട്ടി ചിത്രം ബസൂക്ക. റിലീസ് ചെയ്തു മൂന്നാം ദിനമായ ശനിയാഴ്ച രണ്ട് കോടിയാണ് ബസൂക്കയുടെ ഇന്ത്യ നെറ്റ് കളക്ഷന്‍.

റിലീസ് ദിനത്തില്‍ 3.25 കോടിയും രണ്ടാം ദിനമായ വെള്ളിയാഴ്ച 2.10 കോടിയും നേടാന്‍ ബസൂക്കയ്ക്കു സാധിച്ചിരുന്നു. മൂന്ന് ദിവസം കൊണ്ട് ബസൂക്കയുടെ ഇന്ത്യ നെറ്റ് കളക്ഷന്‍ 7.5 കോടിക്ക് അടുത്തെത്തി.

മൗത്ത് പബ്ലിസിറ്റിയിലൂടെ പ്രേക്ഷകര്‍ തിയറ്ററുകളിലെത്തിയാലേ ബസൂക്കയ്ക്കു ഇനിയുള്ള ദിവസങ്ങള്‍ പിടിച്ചുനില്‍ക്കാന്‍ സാധിക്കൂ. ബുക്ക് മൈ ഷോയിലെ കണക്കുകള്‍ പരിശോധിച്ചാല്‍ അവസാന 24 മണിക്കൂറില്‍ 47,000 ടിക്കറ്റുകളാണ് ബസൂക്കയുടേതായി വിറ്റുപോയിരിക്കുന്നത്. തലേന്ന് ഇത് 67,000 ആയിരുന്നു.