ആറാം ദിവസവും 3കോടിക്ക് മുകളില്‍ കളക്ഷന്‍,'ആവേശം' ഇതുവരെ എത്ര നേടി ?
fahad Fazil, Aavesham
കെ ആര്‍ അനൂപ്|
Last Modified ബുധന്‍, 17 ഏപ്രില്‍ 2024 (10:36 IST)
ഫഹദ് ഫാസിലിനെ നായകനാക്കി ജിത്തു മാധവന്‍ സംവിധാനം ചെയ്ത 'ആവേശം' 50 കോടി ക്ലബ്ബിലേക്ക്.
റിലീസ് ചെയ്ത് ആദ്യ ആറ് ദിവസങ്ങള്‍ പിന്നിടുമ്പോള്‍'ആവേശം' ബോക്സ് ഓഫീസില്‍ ശ്രദ്ധേയമായ മുന്നേറ്റം നടത്തി. ഇന്ത്യന്‍ ബോക്സ് ഓഫീസില്‍നിന്ന് 23.44 കോടി നേടി.
ഏപ്രില്‍ 16 ചൊവ്വാഴ്ച, ചിത്രം ഏകദേശം 3.60 കോടി നേടി. ചൊവ്വാഴ്ച, 51.86% ഒക്യുപന്‍സി നേടാനായി.ആഗോള ബോക്സ് ഓഫീസില്‍ നിന്ന്, 'ആവേശം' 47.75 കോടി രൂപ നേടി.
വിദേശ കളക്ഷന്‍ 25 കോടി കടന്നു.ഫഹദ് ഫാസില്‍ അവതരിപ്പിക്കുന്ന രങ്കന്‍ എന്ന കഥാപാത്രം പ്രേക്ഷകര്‍ക്ക് പ്രിയങ്കരനായി മാറി കഴിഞ്ഞു.മന്‍സൂര്‍ അലി ഖാന്‍, ആശിഷ് വിദ്യാര്‍ഥി, സജിന്‍ ഗോപു, പ്രണവ് രാജ്, മിഥുന്‍ ജെ.എസ്., റോഷന്‍ ഷാനവാസ്, ശ്രീജിത്ത് നായര്‍, പൂജ മോഹന്‍രാജ്, നീരജ് രാജേന്ദ്രന്‍, തങ്കം മോഹന്‍ തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
അന്‍വര്‍ റഷീദ് എന്റര്‍ടൈന്‍മെന്റ്സിന്റെ ബാനറില്‍ അന്‍വര്‍ റഷീദും ഫഹദ് ഫാസില്‍ ആന്‍ഡ് ഫ്രണ്ട്സിന്റെ ബാനറില്‍ നസ്രിയ നസീമും ചേര്‍ന്നാണ് ആവേശം നിര്‍മ്മിച്ചിരിക്കുന്നത്.
