കെ ആര്‍ അനൂപ്|
Last Modified വെള്ളി, 1 മാര്‍ച്ച് 2024 (12:15 IST)
തെലുങ്ക് സിനിമയിലെ മെഗാസ്റ്റാറാണ് ചിരഞ്ജീവി. തുടര്‍ച്ചയായി പരാജയങ്ങള്‍ നേരിടേണ്ടി വന്നെങ്കിലും നടന്റെ താരമൂല്യം ഇടിഞ്ഞിട്ടില്ല. 100 കോടി രൂപയാണ് പുതിയ സിനിമയ്ക്കായി നടന് നല്‍കാനിരിക്കുന്നത്. ഈ സിനിമയിലൂടെ യുവതാരങ്ങള്‍ വാങ്ങുന്ന പ്രതിഫലനിരയിലേക്ക് ചിരഞ്ജീവിയും എത്തുകയാണ്.
മുന്നില്‍ വരുന്ന സിനിമകള്‍ക്ക് ശ്രദ്ധിച്ചു മാത്രമേ ഇപ്പോള്‍ ചിരഞ്ജീവി കരാര്‍ ഒപ്പിടുന്നുള്ളൂ. അതുകൊണ്ടുതന്നെ വിശ്വംഭര എന്ന ചിത്രം ഏറെ പ്രതീക്ഷയുള്ളതാണ്. അതേസമയം 100 കോടി ഓഫര്‍ ചെയ്ത നിര്‍മ്മാതാക്കളുടെ പുതിയ സിനിമയ്ക്ക് നടന് ഉറപ്പു നല്‍കിയിട്ടില്ല. തെലുങ്ക് സിനിമയില്‍ ഏറ്റവും കൂടുതല്‍ പ്രതിഫലം വാങ്ങുന്ന നടന്മാരില്‍ നാലാം സ്ഥാനത്താണ് ചിരഞ്ജീവിയുടെ മകന്‍ രാംചരണ്‍.
തെലുങ്ക് സിനിമയില്‍ ഏറ്റവും കൂടുതല്‍ പ്രതിഫലം വാങ്ങുന്ന നടന്മാരില്‍ നാലാം സ്ഥാനത്ത് രാംചരണാണ്. 90നും 100 കോടിക്കും ഇടയിലാണ് രാംചരണിന്റെ പ്രതിഫലം.
പ്രഭാസ്, അല്ലു അര്‍ജുന്‍, ജൂനിയര്‍ എന്‍ടിആര്‍ തുടങ്ങിയ താരങ്ങളാണ് രാംചരണിന് മുന്നില്‍ ഉള്ളത്.
