Last Modified ചൊവ്വ, 14 ഫെബ്രുവരി 2017 (18:36 IST)
ദുല്‍ക്കര്‍ സല്മാന് അഭിനയിക്കാനുള്ള ടാലന്‍റൊന്നുമില്ലെന്ന് മമ്മൂട്ടി പറഞ്ഞോ? അങ്ങനെ പറഞ്ഞതായി വിശ്വസിക്കേണ്ടിവരും. റിപ്പോര്‍ട്ട് വളരെ വര്‍ഷം മുമ്പുള്ളതാണ്. അതായത് ‘ദി കിംഗ്’ എന്ന സിനിമയുടെ ലൊക്കേഷന്‍ റിപ്പോര്‍ട്ടുവന്ന വെള്ളിനക്ഷത്രം വാരികയിലാണ് ഈ വിവരമുള്ളത്.
കിംഗിന്‍റെ ലൊക്കേഷനില്‍ മമ്മൂട്ടിയും ശങ്കരാടിയും ഗണേഷും മണിയന്‍‌പിള്ള രാജുവുമൊക്കെയായി സംസാരിച്ചിരിക്കുന്ന സന്ദര്‍ഭമാണ് റിപ്പോര്‍ട്ടില്‍ വിവരിക്കുന്നത്. അതിനിടെ ശങ്കരാടി മമ്മൂട്ടിയോട് പപ്പയുടെ സ്വന്തം അപ്പൂസ് എന്ന സിനിമയെക്കുറിച്ച് പറയുന്നു:
“പപ്പയുടെ സ്വന്തം അപ്പൂസ് എന്ന പേര് കേട്ടപ്പോല്‍ തന്നെ എന്‍റെ മനസില്‍ വന്നത് ചാലുവിനെയാണ്. പക്ഷേ അസുഖം വരുന്നതും മറ്റുമൊക്കെ അഭിനയിക്കുന്നത് തനിക്ക് പ്രയാസമായിരിക്കും അല്ലേ?”
“ഏയ്, അല്ലേലും അവനാ ടാലന്‍റൊന്നുമില്ല. കാറുകളാ അവന്‍റെ ക്രേസ്” - മമ്മൂട്ടി മറുപടി നല്‍കി. (ചാലു എന്നത് ദുല്‍ക്കറിന്‍റെ ചെല്ലപ്പേരാണ്).
അന്ന് മമ്മൂട്ടി അങ്ങനെ വിലയിരുത്തിയ ദുല്‍ക്കര്‍ സല്മാന് ഇന്ന് കമ്മട്ടിപ്പാടവും കലിയും ചാര്‍ലിയും പോലെയുള്ള കിടിലന്‍ സിനിമകളില്‍ ഒന്നാന്തരം കഥാപാത്രങ്ങളെ അവതരിപ്പിച്ച് കൈയടിയും പുരസ്കാരങ്ങളും വാങ്ങുന്നു!
