തമിഴ്നാട്ടിലെ നിലവിലെ സൂപ്പര്‍താരങ്ങള്‍ ആരെന്ന് ചോദിച്ചാല്‍ രണ്ടുത്തരമുണ്ടാകും. തല അജിത്തും ഇളയദളപതി വിജയും. അജിത്ത് സിനിമയില്‍ എത്തിയതിനും ശേഷമാണ് വിജയ് എത്തിയത്. കൂട്ടത്തില്‍ ആദ്യം സ്റ്റാര്‍ ആയി ഉയര്‍ന്നതും അജിത്ത് തന്നെ. കഷ്ടപാടുകള്‍ക്ക് ശേഷമാണ് വിജയ് ഇന്നത്തെ നിലയില്‍ ഉയര്‍ന്നിരിക്കുന്നത്.

അടുത്തിടെ ഒരു എഫ് എം റേഡിയോക്ക് നല്‍കിയ അഭിമുഖത്തില്‍ വിജയ് പറഞ്ഞ കാര്യങ്ങള്‍ കേട്ട് അദ്ദേഹത്തിന്റെ ആരാധകര്‍ തന്നെ അന്തം‌വിട്ടിരിയ്ക്കുകയാണ്. തനിക്കു അജിത് എന്ന നടനോടും താരത്തോടും അസൂയയാണ് എന്നാണ് വിജയ് തുറന്നു പറഞ്ഞത്. താരത്തിന്റെ ഈ തുറന്നു പറച്ചിലില്‍ രണ്ടഭിപ്രായമാണ് ആരാധകര്‍ക്കിടയില്‍ ഉണ്ടായിരിക്കുന്നത്.

എത്രയൊക്കെ ആണെങ്കിലും ഇങ്ങനെ തുറന്നുപറയാമോ എന്നാണ് ഒരുപക്ഷം. ഇത്ര സ്റ്റാര്‍ ആയിരുന്നിട്ടും, മനസ്സില്‍ ഉണ്ടായിരുന്ന കാര്യം തുറന്നു പറഞ്ഞ മനസ്സിനെ അഭിനന്ദിക്കുകയാണ് മറ്റൊരു പക്ഷം. ഏതായാലും വിജയ്‌യുടെ തുറന്നു പറച്ചില്‍ ആരാധകരെ ചൊടിപ്പിച്ചിരിക്കുകയാണെന്ന് പറയാം.

വിജയുടെ വാക്കുകളിലൂടെ: അജിത്തിനോട് അസൂയ തോന്നിയത് ഇപ്പോഴല്ല. എന്റെ അഭിനയം തുടങ്ങിയ സമയത്താണ്. അജിത്തിന്റെ മികച്ച അഭിനയവും സൗന്ദര്യവും സഹിക്കാൻ കഴിയുന്നതിലും അപ്പുറമായിരുന്നു. എവിടെപ്പോയാലും അജിത്തിന് ചുറ്റും നിരവധി ആരാധകര്‍ ഉണ്ടാകുമായിരുന്നു. അതെല്ലാം എന്റെ അസൂയ കൂട്ടിയിട്ടേ ഉള്ളു. അജിത്തിനെ പോലെ സുന്ദരനാകാനും ഞാന്‍ ശ്രമിച്ചിട്ടുണ്ട്. എന്നാല്‍, അതിന് കഴിയില്ലെന്ന് പിന്നീട് മനസ്സിലാവുകയായിരുന്നു. - വിജയ് പറയുന്നു. ഇന്ന് അജിത് തന്റെ ഏറ്റവും അടുത്ത സുഹൃത്തുക്കളിൽ ഒരാൾ ആണെന്നും വിജയ് പ്രേക്ഷകരോട് പങ്കു വെച്ചു.