ധൂമിലെ തമാശക്കാരനായ സുന്ദരന്റെ വേഷമാണ് ബോളിവുഡ് നടന് ഉദയ് ചോപ്രയെ പ്രശസ്തനാക്കിയത്. ഇപ്പോഴിതാ ധൂമിന്റെ മൂന്നാം ഭാഗത്തിന് ശേഷം താന്‍ അഭിനയരംഗത്ത് നിന്ന് പിന്‍‌മാറുകയാണെന്നാണ് ഉദയ ചോപ്ര പറയുന്നത്.
ധൂം ഒരു പക്ഷെ എന്റെ അവസാന ചിത്രമായിരിക്കും. ഞാന്‍ അഭിനയത്തെ ഉപേക്ഷിക്കുകയല്ല. അഭിനയം എന്നെ ഉപേക്ഷിക്കുകയാണ് ചെയ്യുന്നത്- ഉദയ് ചോപ്ര പറഞ്ഞു. ഒരിടവേളയ്ക്ക് ശേഷം ഉദയ് അഭിനയിച്ച പ്യാര്‍ ഇംപോസിബിള്‍ എന്ന ചിത്രവും പരാജയപ്പെട്ടതാണ് ഉദയ് ചോപ്രയെ നിരാശാനാക്കിയത്.
പ്രമുഖ സംവിധായകനും നിര്‍മ്മാതാവുമായ യാശ് ചോപ്രയുടെ മകനാണ് ഉദയ്. സംവിധായകനായ ആദിത്യ ചോപ്രയുടെ സഹോദനുമാണ് ഉദയ് ചോപ്ര. ഉദയിനെ ആദ്യ ചിത്രം യാശ് രാജ് ഫിലിംസ് ബാനറില്‍ നിര്‍മിച്ച മൊഹബ്ബത്തേന്‍ എന്ന ചിത്രമാണ്.
