മട്ടന്നൂർ: കൊവിഡ് വ്യാപാത്തെ തുടർന്ന് പ്രവാസികളെ നാട്ടിലെത്തിയ്ക്കാൻ ഒരുക്കിയ ചാർട്ടേഡ് വിമാനത്തിൽ കണ്ണൂരിലെത്തിയ യാത്രക്കാരനിൽനിന്നും 20 ലക്ഷം രൂപയുടെ സ്വർണം പിടിച്ചെടുത്തു. മലപ്പുറം മണക്കാട് സ്വദേശി ഉസ്മാൻ പൊടിയയിൽനിന്നുമാണ് 432 ഗ്രാം സ്വർണം കസ്റ്റംസ് പിടികൂടുയത്.

ഫ്ലൈ ദുബായ് വിമാനത്തിലാണ് ഉസ്മാൻ കണ്ണൂരിൽ എത്തിയത്, തുടർന്ന് കസ്റ്റംസ് പരിശോധനയിൽ സ്വർണം പിടികൂടുകയായിരുന്നു. പേസ്റ്റ് രൂപത്തിലാക്കിയ സ്വർണം അടിവസ്ത്രത്തിൽ ഒളിപ്പിച്ചാണ് കടത്താൻ ശ്രമിച്ചത്. ഗൾഫിൽ നിന്നും വിമാനം എത്താൻ തുടങ്ങിയ ശേഷം ഇതാദ്യമായാണ് കണ്ണൂർ വിമാനത്താവളത്തിൽ സ്വർണം പിടികൂടുന്നത്.