ഇടുക്കിയിൽ നവജാതശിശിഉവിനെ ബാഗിനുള്ളിൽ മരിച്ച നിലയിൽ കണ്ടെത്തി. കുഞ്ഞിനെ ബാഗിലാക്കി ഉപേക്ഷിച്ച അമ്മയെ പൊലീസ് കസ്റ്റഡിയിലെടുത്തു. അവിവാഹിതയായ യുവതി പ്രസവിച്ച ഉടൻ കുഞ്ഞിനെ ബാഗിലാക്കുകയായിരുന്നു എന്നാണ് നിഗമനം. ഇടുക്കി ‌തോപ്രാംകുടിക്ക് സമീപമാണ് സംഭവം.

ആരോഗ്യം മോശമായതിനെ തുടർന്ന് യുവതിയെ വിദഗ്ധ ചികിത്സയ്ക്കായി ഇടുക്കി മെഡിക്കൽ കോളേജിലേക്ക് മാറ്റി. കുട്ടി ചാപിള്ളയായിരുന്നു എന്നാണ് യുവതി പൊലീസിനു നൽകിയ മൊഴി. കുട്ടി മരിച്ചപ്പോൾ ആരുമറിയാതിരിക്കാൻ ബാഗിലാക്കുകയായിരുന്നുവെന്നാണ് മൊഴി നൽകിയിരിക്കുന്നത്. അതേസമയം, മുരിക്കാശ്ശേരി പൊലീസ് അസ്വാഭാവിക മരണത്തിനു കേസെടുത്തു അന്വേഷണം ആരംഭിച്ചു.