അമ്മയോടൊപ്പം ഉറങ്ങി കിടന്നിരുന്ന നാല് വയസുകാരിയെ തട്ടിക്കൊണ്ടുപോയി പീഡനത്തിന് ഇരയാക്കി ബന്ധു
തെലങ്കാന: നാല് വയസുകാരിയെ തട്ടിക്കൊണ്ടുപോയി പീഡനത്തിന് ഇരയാക്കി ബന്ധുവായ യുവാവ്. തെലങ്കാനയില് ഭുചല്പ്പള്ളി ജില്ലയിലെ കോനംപേട്ട് ഗ്രാമത്തില് ചൊവ്വാഴ്ച രാത്രിയാണ് സംഭവം. അമ്മയുടെയും അമ്മൂമ്മയുടയും കൂടെ ഉറങ്ങിക്കിടക്കുകയായിരുന്ന കുട്ടിയെ തട്ടിക്കൊണ്ട് പോയി യുവാവ് പീഡിപ്പിക്കുകയായിരുന്നു.
വീടിനുള്ളിൽ കയറിയാണ് പ്രതി കുഞ്ഞിനെ തട്ടിയെടുത്തത്. രാവിലെ ഉണർന്നപ്പോൾ കുഞ്ഞിനെ കാണാത്തതിനെ തുടർന്ന് നടത്തിയ തിരച്ചിലില അടുത്തുള്ള പരുത്തിപ്പാടത്ത് ഉപേക്ഷിച്ച നിലയിൽ പെൺകുട്ടിയെ കണ്ടെത്തുകയായിരുന്നു. പീഡനത്തിൽ ഗുരുതരമായി പരിക്കേറ്റ കുട്ടിയെ ആശുപത്രിയിൽ പ്രവേശിപ്പിച്ചു. നടന്ന സംഭവങ്ങൾ പെൺകുട്ടി തന്നെ അമ്മയോട് തുറന്നുപറയുകയായിരുന്നു. സംഭവത്തിൽ പോക്സോ വകുപ്പ് ചുമത്തി പൊലീസ് കേസെടുത്തു.
