അഞ്ചു ടെസ്റ്റുകളും മൂന്നു ട്വന്റി20യുമടങ്ങിയ പരമ്പരയ്ക്ക് നാളെ തുടക്കം. ആത്മവിശ്വാസത്തിന്റെ നെറുകയിലാണ് വീരാട് കോഹ്ലി‌യുടെ ചുണക്കുട്ടന്മാര്‍. ഐസിസി ഏകദിന റാങ്കില്‍ നിലവില്‍ ഒന്നാം സ്ഥാനത്തുള്ളത് ഓസ്ട്രേലിയയോ ഇന്ത്യയോ അല്ല ദക്ഷിണാഫ്രിയ്ക്കയാണ്.

119 റാങ്കിങ്ങ് പോയിന്റാണ് ദക്ഷിണാഫ്രിയ്ക്കക്കുള്ളത്. ഓസ്ട്രെലിയയും ഇന്ത്യയും 117 പോയിന്റിനു പിന്നിലുണ്ടെങ്കിലും ദശാംശക്കണക്കിൽ ഓസ്ട്രേലിയ മുന്നിൽ നിൽക്കുന്നു. ചില പേഴ്സ്ണല്‍ കാരണങ്ങളാല്‍ ഇന്ത്യൻ ഓപ്പണർ ശിഖർ ധവാൻ മൂന്ന് ഏകദിനങ്ങളിൽ കളിക്കില്ല. ധവാന്‍ അവധി എടുത്തിരിക്കുകയാണ്.

വിരാട് കോഹ്‌ലി–സ്റ്റീവ് സ്മിത്ത് പോരാട്ടമായി ഇന്ത്യ–ഓസ്ട്രേലിയ പരമ്പര ഇതിനോടകം വിലയിരുത്തപ്പെട്ടുകഴിഞ്ഞു. ടെസ്റ്റിൽ സ്മിത്തും ഏകദിനത്തിൽ കോഹ്‌ലിയുമാണ് മികച്ചവർ എന്ന് മുൻ ഓസീസ് ക്യാപ്റ്റൻ മൈക്കൽ ക്ലാർക്ക് വ്യക്തമാക്കുകയും ചെയ്തതോടെ അക്കാര്യത്തിനു തീരുമാനമായിരിക്കുകയാണ്.