അനുബന്ധ വാര്ത്തകള്
- India T20 World Cup Champions: 'രോഹിത്തണ്ണന് കാണിക്കുമെന്ന് പറഞ്ഞാല് കാണിച്ചിരിക്കും'; ലോകകപ്പ് ഇന്ത്യക്ക്, വിജയകണ്ണീര് വീഴ്ത്തി രോഹിത്തും കോലിയും
- India vs South Africa, T20 World Cup 2024 Final: ടോസ് ഇന്ത്യക്ക്, ബാറ്റിങ് തിരഞ്ഞെടുത്തു; പ്ലേയിങ് ഇലവനില് മാറ്റമില്ല
- Richard Kettleborough: ഫൈനല് നിയന്ത്രിക്കാന് കെറ്റില് ബൊറോ; ആരാധകര്ക്ക് നെഞ്ചിടിപ്പ്
- T20 World Cup 2024 Final, India's Predicted 11: ദുബെയ്ക്ക് പകരം ജയ്സ്വാളോ സഞ്ജുവോ? ഇലവനില് ഒരു മാറ്റം ഉറപ്പിച്ച് ഇന്ത്യ
- T20 World Cup 2024 Final: ലോകകപ്പിന് പുതിയ അവകാശികളോ അതോ ഇന്ത്യന് മുത്തമോ? ക്രിക്കറ്റ് പൂരത്തിനു ഇന്ന് കലാശക്കൊട്ട്
Virat Kohli: 'ദൈവം വലിയവന്, ഞാന് നിര്ത്തുന്നു'; ഇനിയൊരു ട്വന്റി 20 ലോകകപ്പ് കളിക്കാനില്ലെന്ന് കോലി
ഫൈനലില് 59 പന്തില് ആറ് ഫോറും രണ്ട് സിക്സും സഹിതം 76 റണ്സാണ് കോലി നേടിയത്
Virat Kohli
Virat Kohli: ഇന്ത്യക്കായി ഇനി ട്വന്റി 20 ലോകകപ്പ് കളിക്കാനില്ലെന്ന് വിരാട് കോലി. ട്വന്റി 20 ഫോര്മാറ്റില് നിന്ന് വിരമിക്കുകയാണെന്ന സൂചനയാണ് കോലി നല്കിയത്. ബര്ബഡോസില് നടന്ന ഫൈനലില് ദക്ഷിണാഫ്രിക്കയെ ഏഴ് റണ്സിനു തോല്പ്പിച്ച് ഇന്ത്യ കിരീടം ചൂടിയതിനു പിന്നാലെയാണ് കോലിയുടെ പ്രഖ്യാപനം. ഫൈനലില് കോലിയാണ് കളിയിലെ താരം.
' ദൈവം വലിയവനാണ്. ഇന്ത്യക്കായി ലോകകപ്പ് നേടാന് സാധിച്ചതില് സന്തോഷം. ഇന്ത്യക്കായുള്ള എന്റെ അവസാന ട്വന്റി 20 ലോകകപ്പ് ആണിത്. പുതിയ തലമുറ വരട്ടെ. അവര് ഇന്ത്യക്കായി അത്ഭുതങ്ങള് ചെയ്യുമെന്ന കാര്യത്തില് എനിക്ക് സംശയമില്ല. ജയിച്ചാലും തോറ്റാലും ഇത് അവസാന ലോകകപ്പ് ആയിരിക്കുമെന്ന് ഞാന് പ്രഖ്യാപിച്ചേനെ. ഇന്ത്യക്കു വേണ്ടിയുള്ള എന്റെ അവസാന ട്വന്റി 20 മത്സരം കൂടിയാണ് ഇത്,' കോലി പറഞ്ഞു.
ഫൈനലില് 59 പന്തില് ആറ് ഫോറും രണ്ട് സിക്സും സഹിതം 76 റണ്സാണ് കോലി നേടിയത്. സ്കോര് ബോര്ഡില് 34 റണ്സ് ആകുമ്പോഴേക്കും ഇന്ത്യക്ക് മൂന്ന് വിക്കറ്റുകളാണ് നഷ്ടമായത്. തന്റെ സ്വതസിദ്ധമായ ശൈലിയില് വന് തകര്ച്ചയില് നിന്ന് ഇന്ത്യയെ കരകയറ്റുകയായിരുന്നു കോലി.
