ക്രിക്കറ്റിലെ ഏറ്റവും മികച്ച അമ്പയർമാരിലൊരാളായ റൂഡി കോർട്സൺ കാറപകടത്തിൽ മരിച്ചു. ദക്ഷിണാഫ്രിക്കയിലെ റിവേഴ്‌സ്‌ഡേലില്‍ വെച്ചാണ് അപകടമുണ്ടായത്. 73 കാരനായ കോർട്സൺ 108 ടെസ്റ്റുകളിലും 209 ഏകദിനങ്ങളിലും 14 ട്വൻ്റി 20 മത്സരങ്ങളിലും അമ്പയറായിട്ടുണ്ട്. കോർട്സൻ്റെ മകനായ റൂഡി കോർട്സൺ ജൂനിയറാണ് ഈ വിവരം അറിയിച്ചത്.

കേപ്ടൗണില്‍ നിന്ന് നെല്‍സണ്‍ മണ്ടേല ബേയിലുള്ള വീട്ടിലേക്ക് വരുന്ന വഴിയാണ് അപകടമുണ്ടായത്. 1981ലാണ് കോർട്സൺ ആദ്യമായി അമ്പയറുടെ കുപ്പായമണിഞ്ഞത്.1992ൽ നടന്ന ഇന്ത്യ- ദക്ഷിണാഫ്രിക്ക ടെസ്റ്റ് മത്സരത്തിലൂടെയാണ് അന്താരാഷ്ട്ര അമ്പയറിങ്ങിൽ കോർട്സൺ അരങ്ങേറിയത്.