കൊൽക്കത്ത|
jibin|
Last Modified ചൊവ്വ, 14 നവം‌ബര്‍ 2017 (20:15 IST)
ട്വന്റി-20യിൽ നിന്നും മഹേന്ദ്ര സിംഗ് ധോണി മാറി നില്‍ക്കണമെന്ന് ആവശ്യപ്പെട്ടവര്‍ക്ക് മറുപടിയുമായി ഇന്ത്യന്‍ ക്രിക്കറ്റ് ടീം പരിശീലകന്‍ രവി ശാസ്ത്രി രംഗത്ത്.
ധോണിയെ വിമര്‍ശിക്കുന്നവര്‍ കഴിഞ്ഞു പോയ കാലങ്ങളിലെ അദ്ദേഹത്തിന്റെ നേട്ടങ്ങള്‍ ഓര്‍ക്കുന്നത് നല്ലതാകും. ഇന്ത്യക്ക് രണ്ട് ലോകകപ്പുകള്‍ നേടിത്തന്ന ക്യാപ്‌റ്റനാണ് അദ്ദേഹം. മഹിയെ പോലൊരു താരം ഇന്ത്യന്‍ ടീമില്‍ വന്നിട്ടില്ല. വിക്കറ്റിന് പിന്നില്‍ നിന്ന് ടീമിനെ ഏകോപിപ്പിക്കാനുള്ള ധോണിയുടെ മികവ് മറ്റാര്‍ക്കുമില്ലെന്നും രവി ശാസ്ത്രി വ്യക്തമാക്കി.
മുൻ കാലങ്ങളിൽ ബാറ്റിംഗിലും ഫീൽഡിംഗിലുമുള്ള ധോണിയുടെ പ്രകടനം വളരെ മികച്ചതായിരുന്നുവെന്നും രവി ശാസ്ത്രി കൂട്ടിച്ചേര്‍ത്തു.
കുട്ടി ക്രിക്കറ്റില്‍ നിന്നും ധോണി മാറി നില്‍ക്കണമെന്ന ആവശ്യവുമായി അജിത് അഗാക്കർ,
വിവിഎസ് ലക്ഷ്മൺ എന്നിവർ രംഗത്ത് എത്തിയിരുന്നു. ഇതിന് പിന്നാലെ ക്രിക്കറ്റ് ലോകത്തു നിന്നും മഹിക്കെതിരെ ശക്തമായ പ്രസ്‌താവനകളുണ്ടായി. ഇതിന് പിന്നാലെയാണ് ധോണിക്ക് പിന്തുണയുമായി രവി ശാസ്ത്രി രംഗത്തുവന്നത്.
