ചൊവ്വ, 24 ഡിസം‌ബര്‍ 2024
This is wrong statement by Afridi
ഇന്ത്യ-പാക് മത്സരവുമായി ബന്ധപ്പെട്ട ടിവി ചർച്ചക്കിടെയാണ് അഫ്രീദി ഗംഭീറിനെ പറ്റി പുതിയ പരാമർശം നടത്തിയത്. ഒരു ഇന്ത്യൻ താരവുമായും താൻ വഴക്കിട്ടിട്ടില്ല. ഇടയ്ക്ക് ഗൗതം ഗംബീറുമായി സോഷ്യൽ മീഡിയയിൽ വഴക്ക് ഉണ്ടാകാറുണ്ട്. ഇന്ത്യൻ ടീമിൽ പോലും ആർക്കും ഇഷ്ടപ്പെടാത്ത ഒരു പ്രത്യേക കഥാപാത്രമാണ് ഗംഭീർ എന്നായിരുന്നു അഫ്രീദിയുടെ പരാമർശ്ശം. ഇതിനെതിരെയാണ് ആരാധകർ ഇപ്പോൾ രംഗത്തെത്തിയിരിക്കുന്നത്.ഇന്ത്യയുടെ എക്കാലത്തെയും ഹീറോയാണ് ഗൗതം ഗംഭീറെന്നും അദ്ദേഹം ചെയ്ത സംഭാവന എന്തെന്ന് താങ്കൾ പഠിപ്പിക്കാൻ വരേണ്ടതില്ലെന്നുമാണ് ഗംഭീറിനെ അനുകൂലിക്കുന്നവർ പറയുന്നത്. ഒരു ചാനൽ ചർച്ചയ്ക്കിടെയായിരുന്നു അഫ്രീദിയുടെ പരാമർശം.ചർച്ചയിൽ മുൻ ഇന്ത്യൻ താരം ഹർഭജൻ സിങ്ങും ഉണ്ടായിരുന്നു. അഫ്രീദിയുടെ പരാമർശം കേട്ട് ഹർഭജൻ പൊട്ടിചിരിക്കുകയാണ് ചെയ്തത്. ഹർഭജൻ ഇന്ത്യയ്ക്ക് അങ്ങേയറ്റത്തെ നാണക്കേടാണ് ഉണ്ടാക്കിയതെന്നും ഒരുകൂട്ടം ആരാധകർ വിമർശിക്കുന്നുണ്ട്.