ദക്ഷിണാഫ്രിക്കയ്ക്കെതിരായ മൂന്നാം ടി20 പോരാട്ടത്തിനുള്ള ഇന്ത്യൻ ടീമിൽ നിന്നും വിരാട് കോലിയെ ഒഴിവാക്കി. വിശ്രമം അനുവദിക്കുന്നതിൻ്റെ ഭാഗമായാണ് കോലിയെ ഒഴിവാക്കിയത്. മൂന്ന് മത്സരങ്ങളടങ്ങിയ പരമ്പരയിൽ ഇന്ത്യ 2-0ന് മുന്നിലാണ്. പരമ്പര ഇന്ത്യ നേടിയ സാഹചര്യത്തിലാണ് തീരുമാനം.

ഗുവാഹത്തിയിലെ രണ്ടാം ടി20യിൽ കോലി 28 പന്തിൽ നിന്നും പുറത്താവാതെ 49 റൺസ് നേടിയിരുന്നു. വിൻഡീസിനെതിരായ ഏകദിന, ടി20 പോരാട്ടത്തിൽ നേരത്തെ കോലിക്ക് വിശ്രമം അനുവദിച്ചിരുന്നു. ഏറെ നാളായി ഫോം ഇല്ലാതെ തുടർന്ന കോലി കഴിഞ്ഞ ഏഷ്യാക്കപ്പിലെ സെഞ്ചുറിയിലൂടെ ഗംഭീരമായ തിരിച്ചുവരവാണ് നടത്തിയത്.