അനുബന്ധ വാര്ത്തകള്
- വിന്ഡീസിനെതിരായ ട്വന്റി 20 പരമ്പരയില് സഞ്ജുവിനെ ക്യാപ്റ്റനാക്കാന് സാധ്യതയുണ്ടോ? സത്യാവസ്ഥ ഇതാണ്
- തിടുക്കത്തില് തീരുമാനമെടുക്കില്ല, തലമുറ മാറ്റം ലോകകപ്പ് കഴിഞ്ഞിട്ട്; നയം വ്യക്തമാക്കി ബിസിസിഐ
- ഇന്ത്യയ്ക്ക് വേണ്ടി ടെസ്റ്റ് മത്സരം കളിക്കാൻ ഇപ്പോഴും ആഗ്രഹിക്കുന്നു: ചാഹൽ
- ഇന്ത്യൻ ക്രിക്കറ്റിനെ എങ്ങനെ മുന്നോട്ട് കൊണ്ടുപോകണമെന്ന് സെലക്ടർമാർക്ക് ധാരണയില്ല: പൊട്ടിത്തെറിച്ച് മുൻ നായകൻ
- ഓരോ സ്ഥാനത്തിനും കടുത്തമത്സരം, ഇന്ത്യൻ ടീമിൽ സുഹൃത്തുക്കളില്ല, സഹതാരങ്ങൾ മാത്രം : തുറന്നടിച്ച് അശ്വിൻ
വിൻഡീസ് പര്യടനത്തിനുള്ള ഇന്ത്യൻ ടീം പ്രഖ്യാപനം ഇന്ന്, സഞ്ജുവിന് ഇന്ന് വിധിദിനം
ഒരു മാസത്തെ ഇടവേളയ്ക്ക് ശേഷം ആരംഭിക്കുന്ന വിന്ഡീസ് പര്യടനത്തിനുള്ള ഇന്ത്യന് ക്രിക്കറ്റ് ടീമിനെ ഇന്ന് പ്രഖ്യാപിക്കും. വിന്ഡീസില് 2 ടെസ്റ്റ് മത്സരങ്ങളും 3 ഏകദിനങ്ങളും 5 ടി20 മത്സരങ്ങളുമാണ് ഇന്ത്യ കളിക്കുന്നത്. ടെസ്റ്റ് ടീമില് നിന്നും നായകന് രോഹിത് ശര്മയ്ക്ക് വിശ്രമം നല്കുമെന്നാണ് ആദ്യം അറിയിച്ചിരുന്നെങ്കിലും താരത്തിന് വിശ്രമം നല്കേണ്ടതില്ലെന്നാണ് പുതിയ തീരുമാനം. ഈ സാഹചര്യത്തില് ഇന്ത്യയുടെ ടെസ്റ്റ്, ഏകദിന ടീമുകളെ രോഹിത് തന്നെയാകും നയിക്കുക.
അതേസമയം യുവതാരം യശ്വസി ജയ്സ്വാള് അടക്കമുള്ള താരങ്ങള് ഇന്ത്യയുടെ ടി20 ടീമിലേക്ക് തെരെഞ്ഞെടുക്കപ്പെടുമെന്ന് റിപ്പൊര്ട്ടുണ്ട്. ഹാര്ദ്ദിക് പാണ്ഡ്യയാണ് ഇന്ത്യയുടെ ടി20 ക്രിക്കറ്റ് ടീമിനെ നയിക്കുക. ഐപിഎല്ലില് നിറം മങ്ങിയെങ്കിലും ഇന്ത്യയുടെ ടി20,ഏകദിന ടീമുകളില് സഞ്ജു സാംസണും ഇടം പ്രതീക്ഷിക്കുന്നുണ്ട്. ഈ വര്ഷം ഒക്ടോബറില് ഏകദിന ലോകകപ്പ് നടക്കാനിരിക്കെ വിന്ഡീസ് പര്യടനത്തില് ഇടം പിടിക്കാനും മികച്ച പ്രകടനം നടത്താനും സാധിച്ചാല് ഇന്ത്യയുടെ ലോകകപ്പ് ടീമില് ഇടം നേടാന് സഞ്ജുവിന് സാധിക്കും. അതിനാല് തന്നെ ഇന്നത്തെ ടീം പ്രഖ്യാപനം സഞ്ജുവിന്റെ ക്രിക്കറ്റ് കരിയറില് നിര്ണായകമാകും.
