പിച്ച് ചതിച്ചോ? അഭിഷേകും സഞ്ജുവും പുറത്ത്, ശ്രീലങ്കയ്ക്കെതിരെ ഇന്ത്യയ്ക്ക് മോശം തുടക്കം
ശ്രീലങ്കക്കെതിരായ ഏഷ്യന്‍ ഗെയിംസ് സെമിഫൈനല്‍ മത്സരത്തില്‍ ആദ്യം ബാറ്റിംഗിനിറങ്ങിയ ഇന്ത്യയ്ക്ക് മോശം തുടക്കം. 3 ഓവറിനിടെ ഇന്ത്യയ്ക്ക് 2 വിക്കറ്റുകള്‍ നഷ്ടമായി. ഓപ്പണര്‍ അഭിഷേക് ശര്‍മയേയും വണ്‍ ഡൗണായി ഇറങ്ങിയ സഞ്ജു സാംസണെയുമാണ് ഇന്ത്യയ്ക്ക് നഷ്ടമായത്. അഭിഷേക് ശര്‍മയ്‌ക്കൊപ്പം വൈഭവ് സൂര്യവംശിയാണ് ഇന്ത്യയ്ക്കായി ഓപ്പണിങ്ങില്‍ ഇറങ്ങിയത്.
രണ്ടാം ഓവറില്‍ സഹന്‍ ആരാച്ചിഗെയുടെ പന്തില്‍ സിനെത് ജയവര്‍ധനെയ്ക്ക് ക്യാച്ച് നല്‍കിയാണ് അഭിഷേക് മടങ്ങിയത്. 3 പന്തില്‍ 7 റണ്‍സായിരുന്നു താരം നേടിയത്. സ്പിന്നിനെ പിന്തുണച്ച പിച്ചില്‍ തരിന്ദു രത്‌നായകെയാണ് സഞ്ജുവിനെ പുറത്താക്കിയത്. നേരത്തെ ജപ്പാനെതിരായ സൗഹൃദമത്സരത്തിലും സ്പിന്‍ ട്രാക്കില്‍ ഇന്ത്യ പ്രയാസപ്പെട്ടിരുന്നു. ഒടുവില്‍ വിവരം കിട്ടുമ്പോള്‍ 5 ഓവറില്‍ 51 റണ്‍സിന് 2 വിക്കറ്റെന്ന നിലയിലാണ് ഇന്ത്യ.ALSO READ: വെടിക്കെട്ട് ബാറ്റിങ് നിരയുമായി ഇന്ത്യ; വൈഭവ് ഓപ്പണിങ്, സഞ്ജു വൺഡൗൺ ഇറങ്ങും
