അനുബന്ധ വാര്ത്തകള്
- സംസ്ഥാനത്ത് ഇന്ന് 30,203 പേർക്ക് കൊവിഡ്, 115 മരണം,ടെസ്റ്റ് പോസിറ്റിവിറ്റി നിരക്ക് 18.86
- കോലിയുടെ പ്രശ്നം ബൗളർമാർക് മുകളിൽ ആധിപത്യം സ്ഥാപിക്കാനുള്ള അനാവശ്യ വ്യഗ്രതയെന്ന് ഇർഫാൻ പഠാൻ
- ക്രിക്കറ്റിനോട് വിട പറഞ്ഞ് സ്റ്റെയ്ൻ ഗൺ, അരങ്ങൊഴിയുന്നത് പേസ് ഇതിഹാസം
- താലിബാൻ ക്രിക്കറ്റിനും സ്ത്രീകൾക്കും അനുകൂല നിലപാടുള്ളവരെന്ന് ഷഹിദ് അഫ്രീദി
- സംസ്ഥാനത്ത് ഇന്ന് 19,622 പേര്ക്ക് കോവിഡ്;ടെസ്റ്റ് പോസിറ്റിവിറ്റി നിരക്ക് 16.74; മരണം 132
ലീഡ്സിലെ ദയനീയ തോൽവി, നാലാം ടെസ്റ്റിൽ ഇന്ത്യൻ ബൗളിങ് നിര പൊളിച്ചുപണിയും
ഇംഗ്ലണ്ടിനെതിരായ മൂന്നാം ടെസ്റ്റിലെ ദയനീയ തോൽവിയെ തുടർന്ന് നാലാം ടെസ്റ്റിനൊരുങ്ങുന്ന ഇന്ത്യൻ ടീമിൽ വൻ മാറ്റങ്ങൾക്ക് സാധ്യത. ബൗളിങ് നിരയായിരിക്കും നാലാം ടെസ്റ്റ് മത്സരത്തിൽ പൊളിച്ചെഴുതുക. ലീഡ്സിൽ ബൗളർമാരെ പോലെ തന്നെ ബാറ്റ്സ്മാന്മാരും പൂർണമായും പരാജയപ്പെട്ടെങ്കിലും ബാറ്റിങിൽ മാറ്റം വരുത്താൻ സാധ്യതയില്ല.
നായകൻ വിരാട് കോലിയടക്കമുള്ള ബാറ്റ്സ്മാൻമാർക്ക് ഫോമിലേക്ക് എത്താത്ത സാഹചര്യത്തിൽ പരിമിത ഓവര് ക്രിക്കറ്റില് തിളങ്ങിയിട്ടുള്ള സൂര്യകുമാർ യാദവിനെ ആറാം ബാറ്റ്സ്മാനായി ടീമിൽ ഉൾപ്പെടുത്തണമെന്ന വാദം ശക്തമാണെങ്കിലും ബാറ്റിങ് നിര മാറേണ്ടതില്ലെന്നാണ് കോലിയുടെ നിലപാട്.
അതേസമയം പേസർ ഇഷാന്ത് ശർമ നാലാം ടെസ്റ്റിൽ ഉണ്ടാവില്ലെന്ന് ഉറപ്പായി. ലീഡ്സില് 22 ഓവര് എറിഞ്ഞ ഇശാന്ത് 92 റണ്സ് വിട്ടുകൊടുത്തപ്പോള് വിക്കറ്റൊന്നും നേടിയിരുന്നില്ല. ഇശാന്തിന് പകരം ഉമേഷ് യാദവോ ഷർദുൽ താക്കൂറോ ടീമിലെത്തും. കാൽമുട്ടിന് പരിക്കേറ്റ രവീന്ദ്ര ജഡേജയ്ക്ക് പകരം അശ്വിൻ ടീമിൽ തിരിച്ചെത്തിയേക്കും. അശ്വിനെ കളിപ്പിക്കണമെന്ന ആവശ്യം നേരത്തെ ശക്തമായിരുന്നു.
ടി20 ലോകകപ്പ് അടുത്ത സാഹചര്യത്തിൽ സ്റ്റാര് പേസര്മാരായ മുഹമ്മദ് ഷമി, ജസ്പ്രീത് ബുമ്ര എന്നിവര്ക്ക് ഓരോ ടെസ്റ്റുകളിൽ വിശ്രമം നൽകാനും ടീം ഇന്ത്യആലോചിക്കുന്നുണ്ട്. അങ്ങനെയെങ്കിൽ ഇവരിലൊരാൾക്കും നാലാം ടെസ്റ്റ് നഷ്ടപ്പെടും.വ്യാഴാഴ്ചയാണ് ഓവലിൽ ഇംഗ്ലണ്ട്-ഇന്ത്യ നാലാം ടെസ്റ്റിന് തുടക്കമാവുക.
