അനുബന്ധ വാര്ത്തകള്
- Gujarat Titans: പ്ലേ ഓഫില് കയറുന്ന ആദ്യ ടീമായി ഗുജറാത്ത് ടൈറ്റന്സ്
- കോലിയുടെയും രോഹിത് ശർമയുടെയും കാലം കഴിഞ്ഞു, ടി20 ടീമിൽ യുവാക്കൾക്ക് പ്രാമുഖ്യം നൽകണമെന്ന് രവിശാസ്ത്രി
- ഇന്ന് ജയിച്ചാല് ഗുജറാത്ത് പ്ലേ ഓഫില്
- ഒരു തരി പോലും പിന്നോട്ടില്ല, ഏകദിന ലോകകപ്പ് ബഹിഷ്കരണവുമായി പാകിസ്ഥാൻ മുന്നോട്ട്
- 'ഞാന് പന്തെറിഞ്ഞിരുന്നെങ്കില് അവര് 40 ന് ഓള്ഔട്ടായേനെ'; രാജസ്ഥാനെതിരായ മത്സരശേഷം കോലി (വീഡിയോ)
Hardik Pandya: ക്യാപ്റ്റന് പാണ്ഡ്യ സൂപ്പറാ..! ഗുജറാത്തിന് തുടര്ച്ചയായ രണ്ടാം പ്ലേ ഓഫ്
തുടര്ച്ചയായ രണ്ടാം വര്ഷമാണ് ഹാര്ദിക് പാണ്ഡ്യ നയിക്കുന്ന ഗുജറാത്ത് ടൈറ്റന്സ് പ്ലേ ഓഫില് കയറുന്നത്
Hardik Pandya: നിര്ണായക മത്സരത്തില് സണ്റൈസേഴ്സ് ഹൈദരബാദിനെ 34 റണ്സിന് തോല്പ്പിച്ച് 2023 ഐപിഎല് സീസണില് ആദ്യമായി പ്ലേ ഓഫ് ഉറപ്പിക്കുന്ന ടീമായിരിക്കുകയാണ് ഗുജറാത്ത് ടൈറ്റന്സ്. 13 കളികളില് നിന്ന് ഒന്പത് ജയത്തോടെ 18 പോയിന്റുമായാണ് ഗുജറാത്ത് പ്ലേ ഓഫില് കയറിയിരിക്കുന്നത്. ശേഷിക്കുന്ന ഒരു മത്സരം തോറ്റാലും ഗുജറാത്തിന് പ്ലേ ഓഫ് ഉറപ്പാണ്. മികച്ച നെറ്റ് റണ്റേറ്റ് ഉള്ളതിനാല് ഗുജറാത്ത് തന്നെയായിരിക്കും പോയിന്റ് ടേബിളില് ഒന്നാം സ്ഥാനത്ത് തുടരുക.
തുടര്ച്ചയായ രണ്ടാം വര്ഷമാണ് ഹാര്ദിക് പാണ്ഡ്യ നയിക്കുന്ന ഗുജറാത്ത് ടൈറ്റന്സ് പ്ലേ ഓഫില് കയറുന്നത്. കഴിഞ്ഞ സീസണിലാണ് ഗുജറാത്ത് ടൈറ്റന്സ് ആദ്യമായി ഐപിഎല് കളിക്കുന്നത്. ആദ്യ സീസണില് തന്നെ കിരീടം നേടി ഗുജറാത്ത് എല്ലാവരെയും ഞെട്ടിച്ചു. ഇപ്പോള് ഇതാ രണ്ടാം വര്ഷത്തിലും പോയിന്റ് പട്ടികയില് ഒന്നാം സ്ഥാനക്കാരായി പ്ലേ ഓഫിലേക്ക്. തുടര്ച്ചയായി രണ്ട് ഫൈനലുകള് കളിച്ച ടീം എന്ന നേട്ടം സ്വന്തമാക്കാന് ഒന്നാം ക്വാളിഫയറിലെ ജയം മാത്രം മതി ഗുജറാത്തിന്.
ഹാര്ദിക്കിന്റെ ക്യാപ്റ്റന്സിയെ ആരാധകര് പുകഴ്ത്തുകയാണ്. മികച്ച ടീമുകള് അണിനിരക്കുന്ന ഐപിഎല്ലില് തുടര്ച്ചയായി രണ്ടാം തവണയും തന്റെ ടീമിനെ പ്ലേ ഓഫില് എത്തിച്ചതില് ഹാര്ദിക് നിര്ണായക പങ്ക് വഹിച്ചിട്ടുണ്ടെന്നാണ് ആരാധകര് പറയുന്നത്. ടീമിലെ ഓരോ താരത്തെ കുറിച്ചും ഹാര്ദിക്കിന് നന്നായി അറിയാം. അതാണ് ഗുജറാത്തിന്റെ വിജയരഹസ്യം. ഹാര്ദിക്കില് ഭാവി ഇന്ത്യന് ക്യാപ്റ്റനെ കാണാമെന്നും ആരാധകര് പറയുന്നു.
