അനുബന്ധ വാര്ത്തകള്
- ചൊറിയാന് നോക്കേണ്ട, പലിശ സഹിതം തിരിച്ചു തരാനുള്ള ടീമുണ്ട്; കോലിപ്പടയെ പുകഴ്ത്തി ഇംഗ്ലണ്ട് ക്രിക്കറ്റ് ടീം മുന് നായകന്
- മൂന്നാം ടെസ്റ്റിനുള്ള ഇംഗ്ലണ്ട് ടീമിൽ അഴിച്ചുപണി, ഡേവിഡ് മലാൻ ടെസ്റ്റിൽ തിരിച്ചെത്തുന്നു
- ബാറ്റിങ്ങിന് വരുന്ന റോബിന്സണെ ഇന്ത്യന് താരങ്ങള് തടഞ്ഞു; ഇന്ത്യ-ഇംഗ്ലണ്ട് താരങ്ങള് കടുത്ത ശത്രുതയില്ലെന്ന് റിപ്പോര്ട്ട്
- പരിക്കേറ്റ മാർക്ക് വുഡ് പുറത്ത്? ഒപ്പം ഓപ്പണർമാരും, മൂന്നാം ടെസ്റ്റിന് ഇറങ്ങുന്ന ഇംഗ്ലണ്ട് ടീമിൽ മാറ്റങ്ങൾക്ക് സാധ്യത
- 'ഞാന് ഒരു കവര് ഡ്രൈവ് നഷ്ടപ്പെടുത്തിയപ്പോള് ചിരിച്ചവനാണ് ഇവന്, വലിയ വായില് സംസാരിക്കുന്നവനെ ടീമിനെ രക്ഷിക്കൂ,'; കോലി ഇംഗ്ലണ്ട് ബാറ്റ്സ്മാന്മാരെ നേരിട്ടത് യാതൊരു ദയയുമില്ലാതെ, റിപ്പോര്ട്ടുകള്
ഇനി വിരമിച്ച കുക്ക് വന്ന് ഓപ്പൺ ചെയ്യേണ്ടിവരും: ഇംഗ്ലീഷ് ഓപ്പണർമാരെ വിമർശിച്ച് ഗ്രഹാം ഗൂച്ച്
ഇന്ത്യയ്ക്കെതിരായ അഞ്ച് ടെസ്റ്റ് മത്സരങ്ങളുടെ പരമ്പരയിൽ രണ്ട് മത്സരങ്ങൾ അവസാനിച്ചപ്പോൾ ഒരു മത്സരം തോറ്റ് ഇംഗ്ലണ്ട് പരമ്പരയിൽ പിന്നിട്ട് നിൽക്കുകയാണ്. ഇന്ത്യയുടെ ശക്തമായ ബൗളിങ് നിരയ്ക്കെതിരെ നായകൻ ജോ റൂട്ടിന് മാത്രമാണ് ഇതുവരെ തിളങ്ങനായത്.
ഇംഗ്ലണ്ട് ഓപ്പണർമാരുടെ പരാജയമാണ് പരമ്പരയിൽ ഇംഗ്ലണ്ടിനെ പിന്നോട്ടടിച്ചത്. ഓപ്പണർമാരയെത്തിയ മൂന്ന് താരങ്ങളും പൂർണ പരാജയമായിരുന്നു. ഇപ്പോളിതാ ഇംഗ്ലണ്ട് ഓപ്പണർമാരെ രൂക്ഷമായി വിമർശിച്ച് രംഗത്ത് വന്നിരിക്കുകയാണ് ഇംഗ്ലണ്ട് ഇതിഹാസതാരം ഗ്രഹാം ഗൂച്ച്. മുൻ ഇംഗ്ലണ്ട് നായകനും ഇതിഹാസതാരവുമായിരുന്ന അലിസ്റ്റർ കുക്കിനെ ഓപ്പണിങിൽ തിരികെ വിളിക്കേണ്ട സ്ഥിതിയാണ് നിലവിലെന്ന് ഗ്രഹാം ഗൂച്ച് പരിഹസിച്ചു.
മൂന്ന് വർഷങ്ങൾക്ക് മുൻപ് വിരമിച്ച അലിസ്റ്റർ കുക്കാണ് ഈ ടീമിന്റെ ഓപ്പണിങ് സ്ഥാനത്തിന് അനുയോജ്യൻ. അദ്ദേഹത്തെ തിരികെ വിളിക്കണം. വിളിച്ചാൽ കുക്ക് തീർച്ചയായും കുക്ക് ടീമിന് വേണ്ടി കളത്തിലിറങ്ങും ഗൂച്ച് പറഞ്ഞു.
താരങ്ങൾ കഠിനാധ്വാനം ചെയ്യുന്നുണ്ട്. പരിശ്രമത്തിന്റെ കുറവല്ല അവർക്കുള്ളത്. മറിച്ച് മനോഭാവം,സാങ്കേതിക തികവ്,അറിവ്,ഏകാഗ്രത എന്നിവയെല്ലാം പ്രധാനമാണ്. പ്രത്യേകിച്ചും ഒരു ഓപ്പണിങ് ബാറ്റ്സ്മാനെ സംബന്ധിച്ചിടത്തോളം ഒരു തെറ്റ് മതി നിങ്ങളുടെ ആ ദിവസത്തിന്റെ അവസാനം കുറിക്കാൻ ഗൂച്ച് പറഞ്ഞു.
