ഇന്ത്യയുടെ ആദ്യ ട്വന്റി-20 ലോകകപ്പ് വിജയത്തിന് ഇന്ന് 10 വയസ്. ഫൈനലില്‍ പാകിസ്ഥാനെ തോല്‍പ്പിച്ച് ഇന്ത്യ വിജയക്കൊടി പാറിച്ചപ്പോള്‍ മലയാളികളുടെ ശ്രീശാന്തുമുണ്ടായിരുന്നു. മിസ്ബാ ഉള്‍ ഹഖിന്റെ ക്യാച്ചെടുത്ത് ഇന്ത്യക്ക് കിരീടം നേടിയെടുക്കുന്നതില്‍ ശ്രീ വഹിച്ച പങ്ക് ചെറുതല്ല.

2007ലെ ഏകദിന ലോകകപ്പില്‍ ആദ്യ റൗണ്ടില്‍ തോറ്റ് പുറത്തായതിന്റെ വേദന മറക്കാന്‍ ആ വിജയം ആരാധകര്‍ക്ക് അനിവാര്യമായിരുന്നുവെന്ന് ശ്രീശാന്ത് പറഞ്ഞു. ആ പന്ത് വായുവിലേക്കുറങ്ങിയപ്പോള്‍ ആ ക്യാച്ച് കൈവിടരുതേ എന്നായിരുന്നു തന്റെ പ്രാര്‍ത്ഥനയെന്ന് ശ്രീശാന്ത് പറയുന്നു.

ലോകകപ്പ് നേട്ടത്തില്‍ അഭിമാനമുണ്ട്. ഒപ്പം ക്യാപ്റ്റന്‍ എംഎസ് ധോണിയോടും.
- ശ്രീശാന്ത് പറയുന്നു.