സെലിബ്രിറ്റി ക്രിക്കറ്റ് ലീഗ്‌ സെമി ഫൈനല്‍ മത്സരത്തില്‍ ആദ്യ സെമിയില്‍ കേരള സ്ട്രൈക്കേഴ്സ് കര്ണാടക ബുള്‍ഡോസേഴ്‌സിനെ നേരിടും. വൈകിട്ട് ഏഴു മുതല്‍ നടക്കുന്ന മത്സരത്തില്‍ തെലുഗു വാറിയേഴ്‌സ് വീര്‍ മറാത്തിയെയും നേരിടും.
ഹൈദരാബാദില്‍ ഉച്ചയ്‌ക്ക് രണ്ടു മുതല്‍ നടക്കുന്ന കേരള സ്ട്രൈക്കേഴ്സ്- കര്ണാടക ബുള്ഡോസേഴ്സ് മത്സരം ഏഷ്യാനെറ്റ്‌ തത്സമയം സംപ്രേഷണം ചെയ്യും. ബംഗളുരുവില്‍ നടക്കുന്ന ഫൈനലില്‍ കേരള സ്ട്രൈക്കേഴ്സ്- കര്ണാടക ബുള്ഡോസേഴ്സ് മത്സര വിജയികളും തെലുഗു വാറിയേഴ്‌സ് - വീര്‍ മറാത്തി മത്സര വിജയികളും തമ്മിലായിരിക്കും ഏറ്റുമുട്ടുന്നത്.
ഭോജ്‌പുരി ദബാംഗ്‌സിനോടു മാത്രമാണു കേരള സ്ട്രൈക്കേഴ്സ് തോറ്റത്‌. കര്ണാടക ബുള്‍ഡോസേഴ്‌സിനെ ആറു വിക്കറ്റിനു പരാജയപ്പെടുത്തിയാണു സ്ട്രൈക്കേഴ്സ് സെമിയില്‍ കടന്നത്‌. നാലു കളികളില്‍നിന്ന്‌ ആറു പോയിന്റ്‌ നേടിയാണു കേരള താരങ്ങളുടെ മുന്നേറ്റം.
