ലോകത്തെ സ്വാധീനിച്ച 100 വ്യക്തിത്വങ്ങളെ തെരഞ്ഞെടുക്കാന്‍ ടൈം മാഗസിന് നടത്തുന്ന വോട്ടെടുപ്പില്‍ ഇന്ത്യന്‍ ബാറ്റിംഗ് ഇതിഹാസം സച്ചിന് ടെന്‍ഡുല്‍ക്കറും. സച്ചിനു പുറമെ ബോളിവുഡ് താരം ഷാരൂഖ് ഖാന്, പ്രീതി സിന്‍റ എന്നിവരും ടൈം പട്ടികയില്‍ ഇടം പിടിച്ചിട്ടുണ്ട്.
വോട്ടിംഗിന്‍റെ ആദ്യഫലങ്ങളില്‍ സച്ചിന് ആറാം സ്ഥാനത്താണ്. കിംഗ് ഖാനും സച്ചിന് തൊട്ടു പുറകിലായുണ്ട്. സച്ചിന് വോട്ട് ചെയ്യാനായി ഇന്‍റര്‍നെറ്റിലും മറ്റ് സോഷ്യല്‍ നെറ്റ്വര്‍ക്കുകളിലും ഗ്രൂപ്പുകളും സജീവമായിട്ടുണ്ട്.
തെരഞ്ഞെടുത്ത 200പേരില്‍ നിന്ന് ഏറ്റവും കൂടുതല്‍ വോട്ട് ലഭിക്കുന്ന 100 പേരെയാണ് തെരഞ്ഞെടുക്കുക. ഈ വര്‍ഷം ദക്ഷിണാഫ്രിക്കയ്ക്കെതിരെ ഏകദിന ക്രിക്കറ്റിന്‍റെ ചരിത്രത്തില്‍ ആദ്യമായി 200 റണ്‍സ് തികച്ച് ലോക റെക്കോര്‍ഡ് സൃഷ്ടിച്ചതാണ് ടൈം ലിസ്റ്റി സച്ചിന് സ്ഥാനം പിടിക്കാന്‍ കാരണമെന്നാണ് ആരാധകര്‍ കരുതുന്നത്.
എന്നാല്‍ സച്ചിന് ആദ്യ 100ല്‍ വെല്ലുവിളി ഉയര്‍ത്തി കിംഗ് ഖാന് തൊട്ടു പുറകെ ഉണ്ട്. നിലവിലെ വോട്ടിംഗ് അനുസരിച്ച് അമേരിക്കന്‍ പോപ് ഗായിക ലേഡി ഗാഗയാണ് ഒന്നാം സ്ഥാനത്ത് നില്‍ക്കുന്നത്. രണ്ടാം സ്ഥാനത്തുള്ള വ്യക്തിയേക്കാള്‍ ഇരട്ടിയലധികം വോട്ട് നേടിയാണ് ലേഡി ഗാഗ ഒന്നാം സ്ഥാനത്ത് തുടരുന്നത്.
