ത്രിരാഷ്ട്രപരമ്പരയില്‍ ഓസ്ട്രേലിയയ്ക്കെതിരെ ശ്രീലങ്കയ്ക്ക് മൂന്ന് വിക്കറ്റ് ജയം. ഓസ്ടേലിയ ഉയര്‍ത്തിയ 281 റണ്‍സിന്റെ വിജയലക്‍ഷ്യം ശ്രീലങ്ക 49.2 ഓവറില്‍ ഏഴ് വിക്കറ്റ് നഷ്ടത്തില്‍ മറികടന്നു.
നേരത്തെ ടോസ് നേടി ബാറ്റിംഗിനിറങ്ങിയ ഓസ്ട്രേലിയ ഫോറസ്റ്റിന്റെ സെഞ്ച്വറി പ്രകടനത്തിന്റെ പിന്‍‌ബലത്തിലാണ് ആറ് വിക്കറ്റ് നഷ്ടത്തില്‍ 280 റണ്‍സെടുത്തത്. ക്ലാര്‍ക്ക് 72 റണ്‍സെടുത്തു. ഹസ്സി 40 റണ്‍സെടുത്തു.
മറുപടി ബാറ്റിംഗിനിറങ്ങിയ ശ്രീലങ്കയ്ക്ക് ഓപ്പണര്‍മാരില്‍ ദില്‍‌ഷനെ തുടക്കത്തിലേ നഷ്ടമായിരുന്നു. മൂന്ന് റണ്‍സ് മാത്രമാണ് ദില്‍‌ഷന്‍ എടുത്തത്. എന്നാല്‍ ജയവര്ധനെ ആത്മവിശ്വാസത്തോടെ ബാറ്റ് വീശുകയായിരുന്നു. 81 പന്തുകളില്‍ നിന്ന് 85 റണ്‍സ് എടുത്തതിന് ശേഷമാണ് ജയവര്ധനെ പുറത്തായത്. ചന്ദിമലും 80 റണ്‍സെടുത്തു. കുമാര്‍ സംഗക്കാര 22 റണ്‍സെടുത്തു. 21 റണ്‍സുമായി പെരേരെയും നാല് റണ്‍സുമായി കുലശേഖരെയും പുറത്താകാതെ നിന്നു.
