രഞ്ജിട്രോഫി കിരീടം മുംബൈയ്ക്ക്. ഫൈനലില്‍ സൗരാഷ്ട്രയെ ഇന്നിംഗ്സിനും 125 റണ്‍സിനും പരാജയപ്പെടുത്തിയാണ് മുംബൈ നാല്പതാമത്തെ രഞ്ജി കിരീടം സ്വന്തമാക്കിയത്.
സൗരാഷ്ട്രയുടെ ഒന്നാമിന്നിംഗ്സ് സ്കോറായ 148നെതിരെ മുംബയ് 355 റണ്‍സിന് പുറത്തായി. വസീം ജാഫര്‍ (132), ഹികന്‍ ഷാ എന്നിവരുടെ ബാറ്റിംഗാണ് മുംബയെ തുണച്ചത്.246 പന്ത് നേരിട്ട് 16 ഫോറും ഒരു സിക്സും ഉള്‍പ്പെടെയാണ് ജാഫര്‍ 132 റണ്‍ നേടിയത്.
രണ്ടാമിന്നിംഗ്സ് ബാറ്റിംഗിനിറങ്ങിയ സൗരാഷ്ട്ര 36.3 ഓവറില്‍ 82 റണ്‍സിന് ഓള്‍ഔട്ടായി. അഞ്ചു വിക്കറ്റ് വീഴ്തത്തിയ ധവാല്‍ കുല്‍ക്കര്‍ണിയും നാലു വിക്കറ്റ് വീഴ്ത്തിയ അജിത് അഗാര്‍ക്കറുമാണ് സൗരാഷ്ട്രയെ തകര്‍ത്തത്.
