ലോകകപ്പ് ക്രിക്കറ്റില്‍ കെനിയക്കെതിരെ കാനഡയുടെ വിജയലക്‍ഷ്യം 199 റണ്‍സ്‌. ടോസ്‌ നേടി ബാറ്റിംഗ്‌ തെരഞ്ഞെടുത്ത കെനിയ 198 റണ്‍സിന്‌ പുറത്തായി.
കെനിയയുടെ തുടക്കം തകര്‍ച്ചയോടെയായിരുന്നു. കോളിന്‍സ്‌ ഒബുയ(31),തന്മയ്‌ മിശ്ര(51), ജിമ്മി കമാന്‍ഡേ(22), തോമസ്‌ ഒഡോയോ(51) എന്നിവരുടെ ചെറുത്തുനില്‍പ്പാണ് കെനിയെ വന്‍ നാണക്കേടില്‍ രക്ഷിച്ചത്. ഒഡോയ അവസാന പന്തിലാണ് പുറത്തായത്.
കാനഡയ്ക്ക് വേണ്ടി ഹെന്‍ട്രി ഒസിന്‍ഡേ നാലു വിക്കറ്റുകള്‍ വീഴ്‌ത്തി. ബൈഡ്വാനും ചീമയും രണ്ട് വിക്കറ്റുകള്‍ വീതം സ്വന്തമാക്കി. ബാലാജി റാവുവും ഡേവിസണും ഓരോ വിക്കറ്റ് നേടി.
