പാലക്കാട് ജില്ലയില്‍ പട്ടാമ്പിയിലാണ് കൊവിഡ് രോഗം അതിവേഗതയില്‍ വ്യാപിക്കുന്നത്. ചൊവ്വാഴ്‌ച രോഗം സ്ഥിരീകരിച്ച 49 പേരില്‍ 36 പേരും പട്ടാമ്പിയില്‍ നിന്നാണ്. ഇവിടെ നടത്തിയ റാപ്പിഡ് ആന്‍റിജന്‍ ടെസ്റ്റിലൂടെയാണ് ഈ 36 പേരെ കണ്ടെത്തിയത്. 565 പേരെയാണ് ആന്‍റിജന്‍ ടെസ്റ്റിന് വിധേയമാക്കിയത്.

ഷൊര്‍ണൂര്‍ സ്വദേശിയായ ഒരു വയസുകാരനും രോഗം സ്ഥിരീകരിച്ചിട്ടുണ്ട്. ഈ കുട്ടി തമിഴ്‌നാട്ടില്‍ നിന്ന് വന്നതാണ്. പട്ടാമ്പിയില്‍ പോസിറ്റീവായ 10 പേര്‍ വിദേശരാജ്യങ്ങളില്‍ നിന്നോ ഇതരസംസ്ഥാനങ്ങളില്‍ നിന്നോ വന്നവരാണ്.

ചൊവ്വാഴ്ച 49 പേര്‍ പോസിറ്റീവായതോടെ പാലക്കാട് ജില്ലയിൽ ചികിത്സയിലുള്ളവരുടെ എണ്ണം 307 ആയി.