‘മോഹന്ലാല് ഷങ്കര് ചിത്രത്തില്‍ നായകനാകുന്നു’ - ഈ റിപ്പോര്‍ട്ട് വന്നിട്ട് രണ്ടാഴ്ചയായി. ഇതുമായി ബന്ധപ്പെട്ട് ഒട്ടേറെ റിപ്പോര്‍ട്ടുകള്‍ തുടരെ വന്നുകൊണ്ടിരുന്നു. കത്രീന കൈഫ് അല്ലെങ്കില്‍ അസിന് ഈ പ്രൊജക്ടില്‍ നായികയാകുമെന്നായിരുന്നു ഒരു റിപ്പോര്‍ട്ട്. തമിഴിലും തെലുങ്കിലും ചിത്രീകരിക്കുന്ന സിനിമയില്‍ കമലഹാസനും പ്രഭാസും സഹകരിക്കുമെന്നായിരുന്നു മറ്റൊന്ന്. ഇനി ഒരു വിശേഷം, ഈ ചിത്രത്തില്‍ ജാക്കിചാന്‍ അതിഥി വേഷത്തില്‍ എത്തും എന്നായിരുന്നു!
എന്തായാലും എല്ലാ അഭ്യൂഹങ്ങള്‍ക്കും വിരാമമായിരിക്കുകയാണ്. ഈ വാര്‍ത്തയെക്കുറിച്ച് മോഹന്ലാല് പ്രതികരിച്ചിരിക്കുന്നു. “ഷങ്കര് സംവിധാനം ചെയ്യുന്ന ചിത്രത്തില്‍ ഞാന്‍ നായകനാകുന്നു എന്നൊരു വാര്‍ത്ത കണ്ടു. എനിക്ക് അതേപ്പറ്റി ഒരറിവുമില്ല. ഷങ്കര് എന്നെ സമീപിച്ചിട്ടില്ല” - മോഹന്ലാല് വ്യക്തമാക്കി.
നിര്‍മ്മാതാവ് ആസ്കാര്‍ രവിചന്ദ്രന്‍റെ ക്യാമ്പില്‍ നിന്നാണ് ഈ വാര്‍ത്ത പ്രചരിച്ചതെന്നാണ് സൂചന. കമലഹാസനെയും മോഹന്‍ലാലിനെയും അജിത്തിനെയും പ്രഭാ‍സിനെയൊമൊക്കെ അണിനിരത്തി ഒരു വലിയ ചിത്രം ചെയ്യാന്‍ ആസ്കാര്‍ ഫിലിംസ് ആലോചിച്ചിരുന്നു. ഈ ആലോചനയാണത്രെ പിന്നീട് ‘മോഹന്ലാല് - ഷങ്കര്’ ചിത്രമായി മാറിയത്!
മോഹന്ലാല് ഇപ്പോള്‍ ‘ഗ്രാന്‍റ്മാസ്റ്റര്‍’ എന്ന ബി ഉണ്ണികൃഷ്ണന്‍ ചിത്രത്തില്‍ അഭിനയിച്ചുവരുന്നു. അടുത്ത ചിത്രം രഞ്ജിത് സംവിധാനം ചെയ്യുന്ന ‘സ്പിരിറ്റ്’ ആണ്. ഷങ്കറാകട്ടെ തന്‍റെ അടുത്ത ചിത്രത്തില്‍ ചിരഞ്ജീവിയെ നായകനാക്കണോ അതോ അജിത്തിനെ നായകനാക്കണോ എന്ന് ആലോചിച്ചുകൊണ്ടിരിക്കുന്നു.
