ബാര്‍ബിക്ക് ഇനി കത്രീനയുടെ മുഖം

IFM

ഐശ്വര്യ റായി തട്ടിയെറിഞ്ഞത് കത്രീന കൈഫ് ഇരുകൈയ്യും നിട്ടി സ്വീകരിച്ചു. ഇനി ഇന്ത്യയിലിറങ്ങുന്ന ബാര്‍ബി പാവകളുടെ ചിരിക്ക് ഒരു കത്രീന ടച്ചുണ്ടാകും. ബാര്‍ബിയുടെ ഇന്ത്യന്‍ അവതാരമാകുന്ന കാര്യം കത്രീന തന്നെയാണ് സ്ഥിരീകരിച്ചത്.

കുട്ടികള്‍ക്കിടയില്‍ തനിക്കുള്ള അംഗീകാരമാണിതെന്ന് കത്രീന വിശ്വസിക്കുന്നു. കുട്ടിക്കാലത്ത് കളിക്കൂട്ടുകാരിയായിരുന്ന പാവയുടെ മുഖമാകാന്‍ കഴിയുന്നത് ഭാഗ്യമാണെന്ന് കത്രീന പറയുന്നു. ബാര്‍ബിയുടെ അമ്പതാം പിറന്നാള്‍ ആഘോഷിക്കുന്ന വേളയില്‍ ബാര്‍ബിയുടെ ആദ്യ ഇന്ത്യന്‍ മുഖമാകാന്‍ കഴിഞ്ഞുവെന്നത് കത്രീനയുടെ സന്തോഷം ഇരട്ടിപ്പിക്കുന്നു.

കഴിഞ്ഞ ആറുമാസമായി നിര്‍മാതാക്കളായ മറ്റേല്‍ കമ്പനിയുമായി ഇതുസംബന്ധിച്ച ചര്‍ച്ചകളിലായിരുന്നു താനെന്നും കത്രീന വെളിപ്പെടുത്തി.

മറ്റ് പരസ്യ കരാറുകള്‍ പോലെയല്ല ഇത്. ഇവിടെ കുട്ടികള്‍ നിങ്ങളുടെ മുഖം ഇഷ്ടപ്പെട്ടില്ലെങ്കില്‍ നിങ്ങള്‍ക്ക് ഒരിക്കലും ബാര്‍ബിയാവാന്‍ കഴിയില്ല. ബാര്‍ബിയാവുന്നതിലൂടെ കുട്ടികളുടെ മനസ്സില്‍ എന്നും ഇടം നേടാ‍മെന്നതാണ് കത്രീനയ്ക്ക് സന്തോഷം പകരുന്ന കാര്യം. ബാര്‍ബിയാവുന്നതിനു മുന്നോടിയായി ബാര്‍ബി വസ്ത്രമണിഞ്ഞ് ലാക്‍മേ ഫാഷന്‍ വീക്കില്‍ കത്രീന നടത്തിയ പ്രകടനം എവരെയും ആകര്‍ഷിച്ചിരുന്നു.

WEBDUNIA| Last Modified തിങ്കള്‍, 30 മാര്‍ച്ച് 2009 (16:02 IST)

ബിയോണ്‍സ് നോവെല്‍‌സ്, ഡയാന റോസ്, എലിസബത്ത് ടെയ്‌ലര്‍ തുടങ്ങിയ ലോകപ്രശസ്ത സുന്ദരികളുടെ മുഖവുമായി മുമ്പ് ബാര്‍ബി ഡോളുകള്‍ വിപണിയില്‍ ഇറങ്ങിയിട്ടുണ്ട്.

ഇതിനെക്കുറിച്ച് കൂടുതല്‍ വായിക്കുക :

ബാര്ബി കത്രീന ഐശ്വര്യ