പൃഥ്വിക്കൊപ്പം ഇന്ത്യന്‍ റുപ്പീയില്‍ സുരേഷ് ഗോപിയും
WEBDUNIA|
PRO
PRO
രഞ്ജിത് ഒരുക്കുന്ന ഇന്ത്യന്‍ റുപ്പീയില്‍ സുരേഷ് ഗോപിയും ഒരു പ്രധാന വേഷത്തില്‍ അഭിനയിക്കുന്നു. ഇതിനു മുമ്പ് സമ്മര്‍ ഇന്‍ ബത്‌ലേഹം എന്ന ചിത്രത്തിലാണ് സുരേഷ് ഗോപിയും രഞ്ജിത്തും ഒന്നിച്ചത്.
പൃഥ്വിരാജ് നാ‍യകനാകുന്ന ഈ ചിത്രത്തില്‍ തിലകനും ശക്തമായ ഒരു വേഷം അവതരിപ്പിക്കുന്നുണ്ട്. മാധവ മേനോന്‍ എന്ന കഥാപാത്രത്തെയാണ് തിലകന് അവതരിപ്പിക്കുന്നതെന്നാണ് റിപ്പോര്‍ട്ട്. ജെ പി എന്ന് വിളിക്കുന്ന ജയപ്രകാശ് എന്ന യുവാവിന്റെ വേഷത്തിലാണ് പൃഥ്വി അഭിനയിക്കുന്നത്. റിമാ കല്ലിംഗല്‍ നായികയാകുന്ന ചിത്രത്തില്‍ റോമ, മാമുക്കോയ, ഇന്നസെന്റ്, ടിനി ടോം ബാബുരാജ്,കല്‍പ്പന എന്നിവരും അണിനിരക്കുന്നു.
മലയാളികളുടെ ധനവിനിയോഗത്തെ വിഷയമാക്കി ചെയ്യുന്ന ഈ സിനിമ പ്രാഞ്ചിയേട്ടന്‍ പോലെ വേറിട്ടുനില്‍ക്കുന്ന ഒന്നായിരിക്കും. ഗസല്‍ ഗാനങ്ങളുടെ പശ്ചാത്തലം ഇന്ത്യന്‍ റുപ്പീയുടെ പ്രത്യേകതയായിരിക്കും.ഷഹബാസ് അമനാണ് സംഗീത സംവിധാനം നിര്‍വഹിക്കുന്നത്. ക്യാമറ- എസ് കുമാര്‍. ക്യാപിറ്റോള്‍ തീയേറ്റര്‍ ഓഗസ്റ്റ് സിനിമാസുമായി ചേര്‍ന്നാണ് ഇന്ത്യന്‍ റുപ്പീ നിര്‍മ്മിക്കുന്നത്.
