BIJU|
Last Modified തിങ്കള്‍, 15 മെയ് 2017 (12:08 IST)
മലയാള സിനിമയെ സമീപകാലത്ത് പിടിച്ചുകുലുക്കിയ ചിത്രമാണ് ദി ഗ്രേറ്റ്ഫാദര്‍. എല്ലാ കളക്ഷന്‍ റെക്കോര്‍ഡുകളും തകര്‍ത്തുകൊണ്ടാണ് ചിത്രം ബോക്സോഫീസില്‍ പാഞ്ഞുകയറിയത്. ഈ സിനിമ ചില പുതിയ വിശ്വാസങ്ങള്‍ കൂടി മലയാള സിനിമാലോകത്ത് ഉണര്‍ത്തിയിരിക്കുകയാണ്.
മമ്മൂട്ടിയുടെ നായികയായി
സ്നേഹ വന്നാല്‍ ആ സിനിമ വന്‍ ഹിറ്റായി മാറുമെന്നാണ് അതില്‍ ഒരു വിശ്വാസം. മറ്റൊന്ന് മമ്മൂട്ടിക്കൊപ്പം ബേബി
അനിഖ അഭിനയിച്ചാല്‍ അതും മെഗാഹിറ്റാകുമെന്നാണ് ഏവരും പറയുന്നത്.
തുറുപ്പുഗുലാന്‍, പ്രമാണി, ഗ്രേറ്റ്ഫാദര്‍ എന്നീ സിനിമകളിലാണ് സ്നേഹ മമ്മൂട്ടിയുടെ നായികയായത്. മൂന്നും തകര്‍പ്പന്‍ വിജയങ്ങള്‍.
അനിഖ മമ്മൂട്ടിക്കൊപ്പം അഭിനയിച്ചത് ഭാസ്കര്‍ ദി റാസ്കല്‍, ബാവുട്ടിയുടെ നാമത്തില്‍, ഗ്രേറ്റ്ഫാദര്‍ എന്നിവയില്‍. മൂന്ന് ബമ്പര്‍ വിജയങ്ങള്‍.
എന്തായാലും മമ്മൂട്ടിയുടെ അടുത്ത പ്രൊജക്ടുകളില്‍ സ്നേഹയെയോ അനിഖയെയോ ഉള്‍പ്പെടുത്താനാണ് നിര്‍മ്മാതാക്കളും സംവിധായകരും ശ്രമിക്കുന്നത്. അവര്‍ക്ക് ഡേറ്റ് ഇഷ്യൂ വന്നാല്‍ ചെറിയ കഥാപാത്രങ്ങളായെങ്കിലും അവരുടെ സാന്നിധ്യം ഉറപ്പിക്കാനാണ് ശ്രമം.
